“صورة بألف كلمة”، جملة دارجة بنقولها لما بنيجي نوصف صورة مؤثرة لمست جوانا مشاعر وأحاسيس صعب تتحرك بسهولة في ظروف عادية. الصور دايمًا كانت من طرق التعبير المهمة اللي إحنا كبشر استخدمناها عشان نوثق العالم حوالينا. من رسومات الكهف للبشر الأوائل لحد إنتسجرام دلوقتي، كبني أدمين النوع ده من التعبير طول عمره ساحر لينا.
عالمنا العربي -ومنطقة الشرق الأوسط بشكل عام- طول عمره فيه كل حاجة وعكسها، من طبيعة خلابة وإرث حضاري وثقافات متنوعة لحروب ومآسي لا حصر لها. يمكن الوطن العربي ده هو من أجمل الأماكن في الوجود لكن في نفس الوقت أرضه فضلت مكان لصراعات ونكبات أحزنت قلبنا.
لكن مع كل اللى بيعانى منه الشرق الأوسط والعالم العربى من اضطرابات ومآسى، المنطقة هتفضل دايمًا كنز يحسده ويطمع فيه العالم كله؛ عشان كده جبنالكم مجموعة صفحات من على إنتسجرام بتبين جمال بلادها الساحر.
Middle East Archives
صفحة بتهتم بإظهار جمال الشرق الاوسط عن طريق صور قديمة من حقب زمنية مختلفة للناس والأماكن.
Everyday Egypt
الأكونت ده بيبين جمال مصر وناسها البسيطة من خلال صور وفيديوهات قصيرة مع وصف صغير لكل صورة.
Simply Morocco
المغرب من أكتر الدول الفوتوجينيك في العالم، والأكونت ده بيوري جمال المغرب من منظور سياحى فى منتهى الروعة!
Tunisia
عن تونتس وجمالها، الأكونت ده بينشر صور مبهجة وملونة تحببك فى تونس من غير ما تروحها.
Hidden Palestine
مجمعين تشكيلة من الجمال الغير مرئي للوطن الفلسطيني
Saudi Arabia Traveler
مفيش صور كتير للسعودية منتشرة، الأكونت ده بينشر صور المسافرين للسعودية من طبيعة وتاريخ وحضارة.
اخركلمة: زُرت مكان من اللى فى الصور قبل كده؟ شارك صورك معانا فى الكومنتات!