بطل كمال الأجسام المصري ممدوح السبيعي اللي بيلقبوه بـ “بيج رامي” كسب النهارده بطولة مستر أوليمبيا 2020 العالمية في أمريكا، وده يُعتبر إنجاز كبير جدًا، بيدخل بيه التاريخ لإنه أول مصري يفوز بالبطولة دي.
وأكد البطل ممدوح السبيعي إن الفوز ماكنش سهل، وإن ده حصل بعد جهد وعمل وتعب سنين، وإنه شارك مرات كتيرة قبل كده في المسابقة بس عمره ما كسب المركز الأول، ولكنه كان فاز بالمركز الثامن، والرابع، والثاني في سنة 2017، بس البطولة دي كانت صعبة شوية عليه وخصوصًا إنه كان فيه شكوك حوالين مشاركته في البطولة دي، لإنه أعلن إصابته بفيروس كورونا في يوم 8 أكتوبر اللي فات، ليفقد فرصة التأهل الرسمي إلى مستر أولمبيا، ولكنه تلقى دعوة خاصة للمشاركة في 22 من شهر أكتوبر.
ورغم إن تمرين البطل ممدوح السبيعي كان في دولة الكويت وتوفيرها ليه كل الإمكانيات اللي محتاجها، ولكنه أصر إنه يمثل بلده مصر في البطولة، وهي أكبر وأهم منافسات كمال الأجسام في العالم اللي أكتر واحد كسبها كان الفنان الكبير أرنولد شوارزنيجر، ويُعتبر بيج رامي هو تاني بطل عربي يكسب المسابقة بعد اللبناني سمير بنوت اللي كسبها سنة 1983.