في معجزة طبية هي الأولى من نوعها، قدر فريق طبي في مركز كليفلاند الطبي بولاية أوهايو الأمريكية وبقيادة الطبيب السعودي هاني نجم إنهم يعملوا عملية دقيقة ونادرة لجنين داخل رحم أمه! وده عن طريق مقطع فيديو نشره المركز بيحاكي اللي حصل في العملية بالظبط!
العملية كانت عبارة عن استئصال ورم سرطاني في قلب جنين عمره 5 شهور وإرجاع الجنين تاني لرحم أمه علشان عملية الحمل تكمل لحد ميعاد الولادة! وفي تفاصيل الحالة بتقول الأم إنها عرفت وهي حامل في الأسبوع الـ25 إن طفلها اللي لسه ماتولدش بيعاني من ورم بيضغط على القلب ومحتاج لعملية علشان يفضل على قيد الحياه! والموضع ده اكتشفته بالصدفة وهي بتعمل الموجات الصوتية واكتشفت إن في مشكلة وإن الورم ده هيسبب مشاكل في الدورة الدموية.
عن: counsult
وفي شرح مبسط عن العملية اللي اتعملت والمعجزة الطبية دي، قالوا إنه “تم فتح البطن والرحم جراحيًا وقدروا إنهم يرفعوا ذراع الجنين ويدخلوا تجويف الصدر لإزالة الورم واستعادة تدفق الدم وبعدها أعادوا الجنين لرحم أمه لمواصلة الحمل”
أما عن الجراح السعودي هاني نجم فهو كان رئيس قسم جراحة القلب للأطفال في جامعة كليفلاند الأمريكية من سنة 2016 لحد دلوقتي وكان نائب رئيس جمعية القلب السعودية بالرياض، والسنة اللي فاتت كان في جائزة عالمية في أمريكا باسمه “جائزة كلية القلب في أمريكا” وده لإن إنجازاته مش عادية وكانت فعلًا متفردة على مدار مشواره، والدليل أخر إعجاز طبي عمله!