(هوسبيس مرسال) هتكون أول دار رعاية تلطيفية بتقدم الإقامة براحة وكرامة تحت رعاية طبية للمرضى اللي حالاتهم متأخرة، وهتقدم خدمة العلاج التلطيفي أو المعروف بـ (Hospice And Pallative Care) للمرضى في لحظاتهم الأخيرة بعد ما انقطعت بهم سبل العلاج.
ولإنهم في أغلب الأحوال بيكونوا مش محتاجين للإقامة في مستشفى، هوسبيس مرسال هتقدم لهم العلاج البسيط والرعاية والدعم والخدمات اللي ممكن يحتاجوا لها في الأيام دي، زي توفير المسكنات والأدوية اللي تخلي المريض رحتله تنتهي بسلام وبدون ألم، أو توفير مولدات وأجهزة أكسجين لمن يعاني منهم مشاكل في التنفس، وهتوفر كمان حجز مستشفى إذا استدعت حالة المريض.
هبة راشد، مؤسِسة (مرسال) قالت: “هل الإنسان اللي بيموت وفاضله في الدنيا أيام أو شهور يستحق الرعاية الطبية؟
مولود عمره يوم أو مريض بيودع الدنيا، حقه يعيش ويموت بكرامة وبدعم لآخر لحظة، مش علشان المريض بيموت يبقى خسارة فيه الفلوس، ده حقه إنه يترحم من عذاب اللحظات الأخيرة”.
وكملت: “دلوقتي الوقت المناسب إن مرسال تفتح أول هويسبس في مصر يمكن للمرضى الإقامة فيه براحة وكرامة تحت رعاية طبية ونفسية للمرضى.. يودعوا الدنيا من غير عذاب”.
سهم الصدقة الجارية في هوسبيس مرسال بألف جنيه، تقدر تتبرع لهم بطرق كتير أبسطها إنك تكلمهم على 19340 هيجولك لحد عندك.