وسط مخاوف من الطلبة وأولياء الأمور عن نتائج الترم الأول لأولى وتانية ثانوي، وكمان عن الترم التاني وكيفية الدراسة والامتحانات فيه وسط تفشي فيروس كورونا، وزارة التربية والتعليم وضحت كل اللي بيخص نتيجة الترم الأول وطريقة تقييم المواد للترمين وامتحانات الترم التاني عن طريق تصريحات من وزير التربية والتعليم الدكتور طارق شوقي، وبيانات على صفحته الرسمية على فيسبوك، علشان يطمن الطلبة وأولياء الأمور وعلشان تكون كل حاجة واضحة بالنسبة لهم، فتعالوا نشوف أهم اللي جه في التصريحات والبيانات دي.
بالنسبة لنتائج الترم الأول:
- 10% من الطلاب حققوا درجات تراوحت بين 90% و100%، و20% من الطلاب حصلوا على أقل من 50%.
- أكد وزير التربية والتعليم أنه ضد استخدام كلمة “راسب” و”ناجح”، والأهم هو الموقف التنافسي بين الطلاب.
- هيتم يتم إرسال التقدير العام لكل طالب بجمع كل درجة حققها الطالب في كل المواد علشان يعرف مستواه بين زمايله.
- وضح الوزير إن فلسفة التقييم في نظام الثانوية العامة مش تقليدية، ومش بتتقاس زيّ اللي كان بيحصل قبل كده، ووضح إن متوسط درجات الطلاب في التقييم في امتحانات الفصل الدراسي الأول أرقام مهمة.
- طريقة التقييم الجديد في الثانوى العام، بتعرف الطالب هو فين من باقي زملائه مش مجرد أرقام مطلقة، ولو التنسيق أعلى طالب جايب 70% هتكون الرغبة الأولى 70% والمهم إن الطالب يعرف مكانه من الـ 70%، ووضح إن عرض النتائج للطلاب في التقييم الجديد نسبية مش مجرد درجات.
- نتيجة بعض المواد تعكس وجود عمل جماعي، وده بتركز عليه الوزارة لتأهيل الطالب تعليميًا مش بس لهدف الوصول للجامعة.
قراءة المزيد
أما عن الترم التاني، وضح طارق شوقي تفاصيل الامتحانات والمواد والمقررات الدراسية منها:
- هتعقد امتحانات لطلاب الصف الأول والصف التاني الثانوي بطريقة امتحانين مجمعين في نهاية شهر أبريل ونهاية شهر مايو، وهتكون في المدرسة لجان تحت تأمين ومراقبة، والامتحان هيكون ورقي بنظام الاختيار المتعدد، والإجابة في ورقة منفصلة (بابل شيت).
- هيتم تزويد كل طالب بورقة موجود فيها المفاهيم والقوانين الأساسية للمادة للاستعانة بيها أثناء عقد امتحان بدل عن الكتاب المدرسي.
- درجة الترم التاني بتمثل 100% من الدرجة العظمى للمادة، وبتتحسب من خلال متوسط درجات الطالب في امتحانين شهر أبريل ومايو.
- الطالب اللي واجهته أي مشكلة تقنية لم تمكنه من أداء امتحان المادة في الترم الأول هيتحسبله إنه عدى في المادة دي.
أما المدارس الدولية الوزارة حددت طرق تقييم مواد الهوية: