“#أحلى_فيو_في_مصر”: الهاشتاج اللي بيورينا جمال المعالم المصرية المختلفة..
من قلب جروب لمحبي السفر في مصر ظهر هاشتاج جديد بعنوان #أحلى_فيو_في_مصر، وعليه قرر الأعضاء يبدأوا ينزلوا صور لمشاهد خلابة من أماكن مختلفة من محافظات مصر وده في محاولة للإحتفال بجمال البلد الطبيعي وتراثها الثقافي الخلاب.
جروب “Travel Secrets Club” على الفيسبوك هو واحد من أكبر جروبات السفر في الشرق الأوسط بحوالي 2.4 مليون عضو، وفيه بيشارك الأعضاء بقصص وصور من رحلاتهم المختلفة حوالين بلاد العالم ومعالمه؛ الجروب بيحاول يخلق مساحة لمحبي السفر في المنطقة يستفادوا من خبرات بعض ويتعرفوا على قصص وتجارب شخصية جديدة في السفر بهدف خلق مجتمع واعي وناضج ومحب للسفر.
وفي مبادرة مختلفة عن المعتاد على الجروب، قرر الأعضاء بدل ما يشاركوا صورهم وقصصهم عن أوروبا وجنوب شرق أسيا وأمريكا اللاتينية، ينزلوا صور لأماكن مختلفة من أنحاء مصر عشان يحتفلوا بجمال البلد، ودي كانت شوية من مشاركاتهم.