صنعت شركة SWVL التاريخ من أسبوعين بعد ما أصبحت أعلى قيمة يونيكورن أفريقي يتم إدراجه في أي بورصة أمريكية عند طرحه لأول مرة، فهي أحدث شركة من الشرق الأوسط تنضم لنادي المليار دولار “يونيكورن” بعد إعلان اندماجها مع شركة كوينز جامبيت الأمريكية. لقب “يونيكورن” هو لقب بيطلق على الشركة الناشئة اللي بتصل قيمتها واحد مليار دولار أمريكي .ولإن بيتم تقييم أي شركة يتم اندماجها مع شركة تانية، كانت النتيجة وصول قيمة سويفل إلى تقييم قدره 1.5 مليار دولار.
قال الرئيس التنفيذي للشركة مصطفى قنديل، إن الشركة بتهدف للوصول إلى تقييم بقيمة 15 مليار دولار السنة اللي جاية، واللي يعتبر 10 أضعاف تقييمها في القائمة الأمريكية.
شركة SWVL متوقعة إن على سنة 2025، الشركة هتكون بتقييم 2 مليون رحلة يوميًا، مقارنة بأكتر من 3 ملايين رحلة شهريًا في الوقت الحالي. وقال يوسف سالم المدير المالي لشركة SWVL لرويترز “ستصبح SWVL مربحة في 2024 بعد استثمارات وتكاليف تشغيلية تبلغ نحو 13 مليون دولار. ثم نهدف بعد ذلك إلى كسب أكتر من 170 مليون دولار في 2025.” وقال سالم إن SWVL تدرس طرحًا أوليًا في البورصة المصرية بعد لما تنتهي من إدراجها في الولايات المتحدة.
البداية
بيرجع تاريخ تأسيس شركة SWVL لسنة 2017، اللي أسسها 3 طلاب مصريين خريجي كلية هندسة من الجامعة الأمريكية، هم مصطفي قنديل المؤسس واللي عنده 24 سنة ومحمود نوح وكمان عنده 24 سنة وأحمد صباح وبرضه عنده 24 سنة. وبيعمل التطبيق على تحويل سوق النقل الجماعي العالمي اللي بتبلغ قيمته 1 تريليون دولار. وبتساعد حلول التنقل المملوكة للشركة والمدعومة بأحدث التقنيات، في حل تحديات العرض والطلب على النقل الجماعي في الأسواق الناشئة وتمكين المجتمعات من خلال حلول نقل موثوقة ومريحة وآمنة وبأسعار معقولة.
وبتتميز بعروض النقل المتنوعة اللي شوفنا تطوراتها يوم بعد يوم خلال السنوات القليلة اللي فاتت، من التنقل اليومي إلى السفر بالتجزئة بين المدن، إلى عروض النقل كخدمة “TaaS” للشركات والمدارس والجامعات ومؤسسات الخدمات الهامة الأخرى وغيرها. وعلشان كده طبيعي إن Swvl تستعد لاتخاذ خطوات أكبر في تطورها، عن طريق التوجيه الإستراتيجي الواضح، وفريق الإدارة اللي أثبت كفاءته السنين اللي فاتت، فبتتمتع Swvl بموقع مثالي للتوسع في السوق الحالي والجديد.
آخر كلمة: ماتفوتوش قراءة “بالمجان وبخصم 50%.. كل اللي محتاج تعرفه عن دعم المواصلات لكبار السن“.