Money Fellows: أول أبلكيشن للجمعيات في مصر

مبدأ الجمعيات ده موجود من سنين طويلة في مصر، ولكن كتير من الناس بتشوف الموضوع ملخبط وصعب إنهم يعرفوا ينظموها أو يفهموا الprocess بتمشي إزاي. ولكن هي التكنولوجيا موجودة علشان إيه؟ مش علشان تساعدنا وتسهل حياتنا وكمان تبقى customized لاحتياجاتنا الخاصة؟ علشان كده دلوقتي بقى في أبلكيشن اسمه “Money Fellows” اللي يُعتبر أول تطبيق اتعمل مخصوص علشان يسهل عمل جمعيات منظمة وبطرق بسيطة.

عن طريق الأبلكيشن بيتم عمل جمعيات كل شهر وبتقدر كمستخدم تحدد مبلغ الجمعية اللي انت عايزه وكمان ميعاد القبض، وده اللي بيساعدك إنك تشترك وتحوش، ومن غير أي مصاريف متدارية. والأبلكيشن بيوفر طرق مختلفة للدفع والاستلام زيّ كروت الدفع الائتماني، وفوري/ فوري بلس، والمحفظة الإلكترونية، والخصم المباشر أو الكاش. أما بالنسبة للضمانات، فبيكون فيه عقد قانوني بيمضي عليه كل المشتركين علشان الكل يضمن حقه وإن فلوسه ماتروحش، لإنك مش بالضروري تشترك في الجمعية مع معارف أو أفراد من العيلة، فممكن يكونوا ناس ماتعرفهمش ولكنهم بيكونوا خاضعين لتقييم Money Fellows الائتماني بالإضافة لتوقيع العقد قانوني قبل بدء الجمعية.

وبالمناسبة الأبلكيشن ده مش جديد، ولكنه بدأ يتعرف أكتر السنة اللي فاتت فاشترك فيه كتير من الناس وكمان اتكلموا عن تجربتهم مع استخدام الأبلكيشن وإزاي ساعدتهم في عملية التحويش والدفع والاستلام وأكدوا على فكرة إن في أمان تام ومحافظة على حقوق كل المشتركين بالجامعيات. ودلوقتي الأبلكيشن اتطور وبقى موجود في محافظات كتير بجانب القاهرة والجيزة زيّ الأسكندرية والمنصورة والزقازيق وكفر الشيخ وطنطا. لمعرفة تفاصيل أكتر عن الأبلكيشن وكيفية استخدامه، تقدروا تزوروا موقعهم الإلكتروني أو تنزلوا الأبلكيشن من على جوجل بلاي وآب ستور.

MoneyFellows 2020

٢٠٢٠ كانت سنة مليانة أحداث وتفاصيل كتير حلوة وتفاصيل تانية كنا محتاجين فيها حد يكون دايما معانا. سمعنا منكم وحبينا نشارك معاكم رأي مستخدمين MoneyFellows في 2020 واللي قدمته MoneyFellows ليهم على مدار السنة اللي فاتت.بنتمنى نفضل جزء من حياتك دايما ونبتدي كل سنة معاك❤https://moneyfellows.onelink.me/zsgo/8dff28b6 #إحنا_معاك#Moneyfellows

Posted by Moneyfellows on Tuesday, December 29, 2020

آخر كلمة: ماتفوتوش قراءة: “أماني دوت كوم: حملة جديدة لحماية الأطفال من العنف على الإنترنت“…

تعليقات
Loading...
Tweet
Share
Share
Pin