قصة غريبة تشبه أفلام هوليوود، شهدتها مصر خلال اليومين اللي فاتوا، بعد ما قدرت السلطات الأمنية في القاهرة تقبض على مواطن متهم بالإتجار غير القانوني في الماس والمجوهرات الثمينة والمشغولات الذهبية والعملة الصعبة (الدولار).
بعد ما قبضت السلطات المصرية على صاحب شركة (إم جروب) للمشغولات الذهبية في مصر، بتهمة التجارة في الماس والأحجار الكريمة والدهب المُهرب، اكتشفوا مفاجأة جديدة ماكانتش متوقعة خالص.
بعد القبض على المتهم بالإتجار غير القانوي في المجوهرات والدهب، اكتشفت السلطات المصرية إن في شخص تاني موجود مع المتهم الأول وبيحيط به غموض كبير جدًا.
بعد تتبع تحركات الشخص الغامض ده، اكتشفت السلطات إنه متهم بجرايم أكبر من الاتجار بالمجوهرات والدهب، الشخص ده هو (مستر أليكس) المعروف بحوت الدهب، وهو المصري اللي انتحل شخصية مواطن لبناني لمدة 10 سنين، وسافر لحوالي 100 بلد حوالين العالم، ووضحت التحريات الأولية إن المتهم اشتغل في تجارة الدهب والمجوهرات والعملة الصعبة عن طريق تهريبها من مصر للخارج والعكس.
قالت التحريات كمان إن المتهم اشتغل في تهريب المجوهرات المرصعة بالماس لمدة 10 سنين، وأقنع تجار الدهب إنه لبناني وكان لقبه “حوت الدهب”. وده اللي اعترف بيه المتهم في التحقيقات مع الأجهزة الأمنية، ووضح إنه بيتاجر في الدهب بين مصر ولبنان، وإنه انتحل صفة لبناني علشان يقدر يهرب من السلطات الأمنية أثناء دخوله وخروجه من مطار القاهرة.
وخلال التحقيقات اتعرف إن المتهم عنده شقة سكنية في منطقة مصر الجديدة في القاهرة، واستغل المتهم الشقة في تجارة الدهب والمجوهرات وبيعها بالدولار، وكان بيخزن في نفس الشقة كميات كبيرة من الدهب والمجوهرات المتهربة من موظفي الجهات الرقابية.
ووضحت التحريات الأولية للسلطات الأمنية إن المتهم “أليكس” اسمه الحقيقي هو هيثم، وإنه كان بيجمع كميات كبيرة من المشغولات الدهبية والمجوهرات والعملة الصعبة علشان يهربها بره مصر.