كشف اتحاد عام المصريين في السعودية عن الفئات اللي هتتمنع من أداء فريضة الحج السنة دي والتصاريح والتكاليف اللي هيخضع لها المواطن المصري لأداء المناسك.
وفي مداخلة هاتفية ببرنامج “90 دقيقة”، قال عادل حنفي، نائب رئيس اتحاد عام المصريين في السعودية: إن المملكة هتمنع بعض الفئات من أداء فريضة الحج السنة دي، وهما اللي بيسافروا وبيبقوا رايحين في الأصل زيارة لأشخاص عايشين في المملكة وفي نفس الوقت علشان يعملوا حج، الفئة دي هيتختم على تأشيرتها بمنع أداء الفريضة، بس هيتسمح لهم بأداء مناسك العمرة لحد نهاية شهر رمضان الجاي.
وده بجانب الفئات اللي هتتمنع من دخول الأراضي المقدسة أثناء قترة تأدية المناسك بسبب عدم استكمالها للتلقيح ضد كورونا. ولو عدى أقل من خمس سنين على أخر فريضة للحج، مش هيقدر يأدي الفريضة السنة دي.
ووضح نائب رئيس اتحاد عام المصريين بالمملكة إن المصريين اللي عايزين يأدوا فريضة العمرة لازم يخضعوا في الأول لحجر صحي 3 أيام في واحد من الفنادق المعتمدة داخل المملكة وعلى نفقته الخاصة، بجانب إن أسعار العمرة مش هتقل السنة دي عن 45 ألف جنيه مصري ودي هتبقى لأقل فئة.
واللي عايز يأدي الفريضة السنة دي لازم ياخد تأشيرة من إحدى القنصليات السعودية في مصر.