تلاتة من كل ١٠٠.٠٠٠ بيصابوا بمرض نقص الصفائح الدموية المناعي، وعلشان ندعم كل مرضاه، هنساعدهم بنشر معلومات عن المرض وازاي يقدروا يتعايشوا معاه. مبادرات مختلفة مهتمة بالتوعية ضد المرض، “شفاء” مع ballerinas of Egypt ونوفارتس مصر، بيتعاونوا لرفع الوعي بالمرض، بأنشطة مختلفة، علشان نقف مع المرضى ونعرفهم أكتر عن طرق مواجهته، إيه الجمعيات دي؟
شفاء هي مجموعة توعوية لمساعدة المرضى والأطباء للوصول لمعرفة أفضل لمرض نقص صفائح الدم المناعي، برعاية الجمعية المصرية لأمراض الدم والأبحاث. هدفهم فى المجموعة رفع الوعي عند الأطباء لمعرفة أفضل لمرض نقص صفائح الدم المناعي وكيفية تشخيصه وطرق علاجه، وعلى محور تاني من الأهداف، شفاء بتهدف لتعريف المجتمع بالمرض وأعراضه والمراكز المختصة، علشان نوصل لرفع نسب الشفاء للمرضى ودعهمهم.
الجمعة 1 أكتوبر , من أي مكان على كورنيش المنيل تقدر تتابع مسيرة بمراكب التجديف بمشاركة رياضين وفنانين من الساعة 8 صباحاً.
مراكب التجديف هتنطلق الساعة 8 من عند كوبري عباس, ولمدة ساعتين كاملين هتقدروا تتفرجوا على الحدث المميز من كورنيش المنيل وكل الكباري المحيطة عشان نقول لكل مرضى نقص الصفائح المناعي في مصر والعالم إننا حاسيين بيهم وإنهم مش لوحدهم.تقدر تشارك على الأيفنت من هنا : https://www.facebook.com/events/1587411438276825
#متعدش_وعيش
#احنا_معاكم
#ITP_awarness
#shefaa_شفاء
#ITP_stronger_togetherPosted by Shefaa شفاء on Monday, September 27, 2021
إيه هو المرض ده ببساطة؟ مرض مناعي بيؤدي لانخفاض عدد الصفائح الدموية بسبب زيادة تكسير الصفائح الدموية، المرض ده ممكن يصيب الأطفال أو الكبار، وبتختلف الأعراض حسب نسبة انخفاض تعداد الصفائح الدموية، وأحيانًا ممكن يحصل نزيف حاد ممكن يهدد حياة المريض، المرض ده بيعرض أصحابه لمخاطر أكبر بإصابتهم بالنزيف وده بيسبب لهم العزلة. خلال الأسبوع العالمي لمرض نقص الصفائح الدموية، شركة نوفارتس وجمعية شفاء بتقف جانب محاربي نقص الصفائح الدموية (ITP warriors) عن طريق إطلاق حملة توعوية كبيرة تحت شعار “Stop Counting Keep Living” “متعدّش وعيش”.
الحملة دي تم إطلاقها بالتعاون مع Ballerinas Of Cairo لتنفيذ حملة توعية على منصات التواصل الاجتماعي بنشر صور خاصة لدعم المرضى، كمان هيقوموا بعدد من الأنشطة خلال الحملة، من المقرر إنها تكون: إضاءة مبنى القصر العيني ليلاً باللون الأرجواني المميز عالمياً لدعم مرضى ITP، وحملة تبرع بالدم لصالح مرضى الدم بالتعاون مع النادي الأهلي. وتنفيذ موكب بقوارب تجديف بالتعاون مع الإتحاد المصري للشراع، بالإضافة لعرض خاص بعدد كبير من البالونات الملونة باللون الأرجواني المميز لدعم المرضى. الحملة شارك فيها نجوم بنحبهم، علشان يساعدوا في نشر التوعية عن المرض ودعم المرضى إنهم يواجهوه بشجاعة ويعرفوا إننا معاهم.
