أول معرض للهولوكوست في العالم العربي يفتتح في دبي لتثقيف الملايين بشأن المحرقة
مفيش حد في المجتمعات الغربية أو العربية ما سمعش عن الهولوكوست أو الإبادة الجماعية اللي حصلت أثناء الحرب العالمية التانية على إيد هيتلر، اللي تم فيها حرق وقتل ما يقرب من 6 ميليون يهودي أوروبي وقتها. وبرغم من إنها مآساة غير إنسانية حتى الآن بيتذكرها العالم كله يحسرة وآلم، إلا إن الأجيال الجديدة معرفتها قليلة جدًا عن أحداث وتفاصيل الواقعة.
علشان كدة مدينة دبي افتتحت معرض تذكاري للهولوكوست واللي بمثابة أول معرض من نوعه تشهده مدينة الإمارات والوطن العربي، لإحياء ذكرى الهولوكوست واللي بتقع أهميته في ضمان عدم نسيان وتثقيف أكتر من 200 جنسية بدبي عن الحدث. وفي متحف معرض الحضارات الموجود في دبي، يوجد معرض باسم نحن نتذكر اللي موجود فيه شهادات مباشرة من الناجين من المحرقة، بيتكلموا عن تفاصيل التجربة اللي عاشوها بالفعل علشان تؤرخ والعالم كله يبقى على دراية بيها. وبيأملوا إنه يصبح معرض دائم موجود في دبي.
المعرض مكون من غرفة واحدة بيتم سرد الحكاية فيها بالتسلسل الزمني، إضافة لسماع شهادة الناجيين لمعرفة ترتيب الأحداث وأسباب حدوث الهولوكوست اللي أودى بحياة ملايين من اليهود. وقال مؤسس المتحف الإماراتي إن توقيت افتتاح المعرض كان مناسب، وإن الهولوكوست كانت جريمة ضد الإنسانية لازم يتم فصله عن الأحداث التانية ووضعه في دائرة الاهتمام، مؤكد إن المتحف مش مكان لمناقشة مواضيع سياسية وإنما هى مجرد “رحلة عبر التاريخ”..
كان من المفترض إن المعرض يتمم افتتاحه يوم 8 أبريل علشان يتزامن مع ذكرى الهولوكوست الثمانين، ولكن بسبب ظروف فيروس كورونا كان تم تأجيل افتتاح المعرض لحد الشهر اللي فات. بجانب قصص الناجيين وصور من المحرقة اللي موجودة، قسم من المعرض مخصص لتسليط الضوء على جهود العرب والمسلمين في دعم وإنقاذ اليهود خلال الهولوكوست، مشيرًا إلى تاريخ يدل على التعايش والوحدة الوطنية بين المسلمين والمسيحيين واليهود خلال الحقبة الزمنية دي.