تحدث النجم أمير عيد عن تفاعل الجمهور الكبير الذي حضر حفل فريق كايروكي في مهرجان العلمين في دورته الثالثة مساء الجمعة.
وأشار إلى رؤيته الخاصة لمعايير النجاح، مؤكدًا أنها تتجاوز الأرقام والإعجابات على منصات السوشيال ميديا.
كما وجه أمير عيد رسالة مؤثرة إلى جمهور كايروكي، واصفًا إياهم بالملهم، مستشهدًا بنصيحة ثمينة من والدته.
لا تفوّت قراءة: أفضل تجارب اليوجا على شواطئ الساحل الشمالي لعشاق الصفاء الذهني
لا تفوّت قراءة: لماذا أغلقت السفارة البريطانية بالقاهرة أبوابها مؤقتا بعد إزالة الحواجز الأمنية؟
ماذا قال أمير عيد خلال حفل كايروكي في مهرجان العلمين؟
قال أمير عيد خلال كلمته: “عشان أكون صريح، الأرقام عمرها ما كانت معيار يحدد إذا كان الفنان جامد أو لأ. الحقيقة مش فاهم ليه الناس مهتمة ومهووسة بفكرة الأرقام: أكثر مشاهدة، أكثر متابعين… في رأيي ده دليل إن الشخص فاضي من جوه وبيحاول يملأ الفراغ من بره”.
وأضاف: “على العموم، الحاجة الرخيصة هي اللي بتتباع أكتر، وبالتالي الأرقام ساعات بتكون مجرد مؤشر على الرخص. والناس بتتباهى بزيادة الفلوس والعربيات والساعات. وأفتكر كلمة أمي اللي قالتلي: عمرك ما هتبقى شخص غني إلا لو عندك حاجة الفلوس ما تقدرش تشتريها”.
لا تفوّت قراءة: البنك الأهلي يخفض أسعار الفائدة.. اعرف أسعار العائد على الشهادات البلاتينية
وتابع قائلاً: “دلوقتي السوشيال ميديا بتخلينا نحس إننا مش عايشين، بنشوف ناس بتبين نفسها سعيدة ومبسوطة لكنهم مش حقيقيين. أما أنتم جمهور كايروكي، أنتم الحقيقة. وأنا في الطريق من القاهرة للحفلة، ناس كتير سلموا عليّ ورفعوا التذاكر من العربيات بحماس شديد. الموضوع عمره ما كان بالعدد، لكنه بالروح اللي بتدهالنا. حتى لو الحضور كان نص العدد أو عشرة أشخاص فقط، كنت هغني بنفس الحماس وأقدم نفس الحفلة. المهم مش الكم ولكن القيمة”.
وأكد أمير عيد قائلاً: “أنا بعمل الأغاني اللي بحبها مش عشان أكون مجرد براند أو سلعة. أنا مش كيس شيبسي عشان أبيع أكتر. أنا فنان حر، اللي بيحركني قناعاتي وأفكاري. وبغني لجمهور حر بيحب يفكر ويحس إنه دايماً مختلف. شكراً ليكم على ثقتكم وعلى إنكم جمهور ملهم”.
واختتم حديثه قائلاً: “أنا زمان كنت فاكر إني بغني لوحدي في أوضتي ومحدش هيسمع اللي بعمله. لكن بوجودكم كل شيء اتغير. أنتم السبب إني مش بغني لوحدي، وإن الأغاني بتعيش، وإن إحساسي إننا مش لوحدنا في العالم الحقيقي فضل موجود. شكراً ليكم”.
