أعلن الفنان المصري كريم قاسم عن إصابته بفيروس الكورونا خلال الأيام اللي فاتت، وقال إنه بيخضع حالياً لإجراءات العزل المنزلي، وإنه مسافرش لأي مكان من القاهرة من أكتر من شهر.
تصريحات الفنان وإدارة أعماله جت للرد على الشائعات اللي اتنشرت في الفترة اللي فاتت عن إصابته الفيروس بسبب حضوره حفل أجراه زوج الفنانة “ريهام الحجاج” في الجونة للاحتفال بنجاح مسلسل “لما كنا صغيرين” اللي شارك كريم في بطولته رمضان اللي فات.
كريم قاسم بحالة صحية كويسة، وهو بيتعافى تدريجياً مع المتابعة مع دكتور مختص على الهاتف، ونشر من شوية فيديو على السوشيال ميديا الخاصة بيه بيحكي فيه قصته مع الفيروس وبيطمن جمهوره عليه.
كريم قاسم مش أول الفنانين المصريين إللي أعلنوا إصابتهم بالفيروس، قبليه كانت الفنانة رجاء الجداوي اللي أعلنت إصابتها في عيد الفطر بعد إنتهاء تصوير مسلسلها “لعبة النسيان” اللي اتعرض في رمضان. وبتتعالج الفنانة حالياً في مستشفى أبو خليفة للعزل الصحي بالإسماعيلية في ظل عدد كبير من الشائعات والأخبار المغلوطة عن حالتها وكيفية إصابتها.