5 تقاليد من عيد الفطر صعب ننساها
العيد هو من أسعد الأوقات في السنة، ومن الأوقات القليلة اللي العيلة كلها بتتجمع فيها وبتقضي وقت حلو سوا، واللي بيخلي العيد أحلى كل سنة هو العادات بتاعتنا اللي توارثناها من الأجيال اللي قبلنا، ولسه بنعملها لحد دلوقتي، بس للأسف كتير من التقاليد دي بدأت تختفي بالرغم من جمالها، عشان كدا حبينا نفكركم بيها.
لبس العيد
قبل كل عيد، الأهل بياخدوا ولادهم في دولة تسوق عشان يشترولهم لبس جديد للعيد، ويمكن ده كان أحلى وقت زمان بنقضيه مع أهالينا.
الزيارات العائلية
كل سنة العيلة بتتجمع في بيت ما، والأطفال بتجيلهم فرصة يتجمعوا سوا، والكبار بيتكلموا في أخر أخبارهم، بس للأسف مع انتشار السوشيال ميديا في معظم التجمعات العائلية كله بيكون ماسك الموبايل، والمفروض نحاول نقلل من ده ونستمتع بالوقت العائلي اللي مش بتجيلنا فرص كتير عشان نقضيه سوا.
الصواريخ
يمكن من مظاهر العيد اللي يتختفي هي لما الأطفال يشتروا صواريخ ويلعبوا بيها ويضحكوا على صوت الفرقعة.
العدية
مفيش حد يعتبر كبير على العيدية، وفرحة العيد عمرها ما كانت بتكمل غير بيها مهما كان المبلغ رمزي. وبالرغم من إن مظاهر الاحتفال بالعيد ممكن تكون أختلفت من عصر للتاني إلا إن العيدية واحدة من طقوسه الأساسية اللي مستمرة معانا من مئات السنين.
زينة العيد
عشان تدخل أجواء العيد بيتك تاني أول حاجة لازم تعملها هي إنك تبدأ تزين أركان بيت بزينة العيد، ممكن بشوية فيديوهات بسيطة على اليوتيوب أو شوية إرشادات على Pinterest، ممكن كمان تنزل صور جاهزة للعيد وتطبعها على ورق وتقطعها عشان تعمل أشكال زي اللي في الصورة دي. نشاط زي ده هيكون جميل لو أفراد العيلة عملوه مع بعض.