مؤخرًا مع جائحة كورونا، بقى معظم الحاجات اللي بنعملها هي الفُرجة على أفلام ومسلسلات، والسنة اللي فاتت مفيش شك إن التلفزيون أبهرنا بالأعمال الفنية ولكن الأفلام ماقدرناش نشوفها أوي بسبب إن صالات السينما كانت بتكون مقفولة علشان التباعد الاجتماعي ومنع انتشار العدوى، ولكن مع بداية سنة 2021 الدنيا ابتدت ترجع لطبيعتها إلى حد ما وفي سباق أفلام كبير جدًا هنشوفه السنة دي من كبار الممثلين في الأعمال السينمائية، وكلنا متحمسين نشوف كل عمل منهم.. فتعالوا نشوف هما إيه.
البعض لا يذهب للمأذون مرتين
هو فيلم كوميدي من إخراج أحمد الجندي ومن بطولة كريم عبد العزيز ودينا الشربيني وماجد الكدواني، والفيلم متوقع عرضه في يوليو 2021.
العنكبوت
هو فيلم دراما من إخراج أحمد نادر جلال ومن بطولة منى زكي وأحمد السقا وظافر العابدين ويسرا اللوزي، ولكن لسه ماتحددش ميعاد عرضه.
الشايب – ولاد رزق
من الأفلام اللي كلنا بلا استثناء مستنيينها بسبب النجاح الكبير اللي حققه فيلم “ولاد رزق” الجزء الأول والتاني، وهو فيلم أكشن درامي من إخراج حسين المنباوي ومن بطولة آسر ياسين وسيد رجب ومحمد لطفي وعمرو عبد الجليل وماتحددش ميعاد عرضه لسه.
30 مارس
هو فيلم دراما من إخراج أحمد خالد موسى، ومن بطولة أحمد الفيشاوي ودينا الشربيني وأسماء أبو اليزيد وأحمد خالد صالح، ولكن لسه مانعرفش ميعاد عرضه، بس نزل برومو الفيلم في أول السنة دي.
ماكو
هو فيلم إثارة وتشويق، من إخراج محمد هشام الرشيدي، ومن بطولة نيكولا معوض وناهد السباعي وبسمة، ومنذر رياحنة، وعمرو وهبة.
ديدو
هو فيلم كوميدي من إخراج عمرو صلاح، ومن بطولة كريم فهمي، وبيومي فؤاد، وأحمد فتحي، ومحمد ثروت، وفيه ضيوف شرف كتير زيّ أحمد فهمي وشيكو وهشام ماجد.
موسى
هو فيلم خيالي من إخراج بيتر ميمي، ومن بطولة كريم محمود عبد العزيز، وإياد نصار، وسارة الشامي.
ثانية واحدة
هو فيلم كوميدي ورومانسي من إخراج أكرم فريد ومن بطولة دينا الشربيني ومصطفى خاطر ومحمود حميدة وسوسن بدر.
أشباح أوروبا
هو فيلم تشويق ودرامي من إخراج محمد حماقي ومن بطولة هيفاء وهبي وأحمد الفيشاوي ومصطفى خاطر وبيومي فؤاد وأروى جودة.
مش أنا
هو فيلم دراما من إخراج سارة وفيق ومن بطولة تامر حسني وسوسن بدر وحلا شيحة وماجد الكدواني.