ياسمين صبري وجورجينا: بين معارض للتقليد ومؤيد لحرية اختيار اللبس، أنت مين فيهم؟

اليومين اللي فاتوا انتشرت صور كتير لياسمين صبري والموديل جوروجينا صديقة لاعب الكرة العالمي رونالدو، اللي فيها ياسمين صبري بتلبس تقريبًا نفس اللبس والـ outfits بتاعة جورجينا. ولإن الموضوع اتكرر كتير جدًا وفي مدة قصيرة، بدأت الناس تتكلم عن الموضوع.. شوية أخدوه بسخرية وكوميكس، وشوية تانيين أخدوه بطريقة أكتر فلسفية وعمق. لإن الموضوع مش مقتصر بس على تقليد اللبس، ولكن كمان الـ poses وطريقة التصوير، وكمان تسريحة الشعر ونوع المكياج.

معظم الناس اخدوا الموضوع بطريقة كوميدية وقالوا إن ياسمين صبري بتقلد كل التفاصيل بالظبط وإنها جورجينا العرب وبدأوا ينشروا كوميكس عن الموضوع، ببساطة لإنهم مش مقتنعين إن كل الصور دي ممكن تكون بتحصل بمحض الصدفة من غير وجود نية للتقليد. وشافوا إن تقليد جورجينا بالشكل ده مبالغ فيه.

وناس تانية قالت إن دي حاجة نفسيًا سيئة جدًا على الشخص إنه يكون على متابعة مستمرة بشكل يومي في حياة شخص مستنيه يشوف هيلبس إيه ويروح فين علشان يعمل زيّه.. وبغض النظر عن حقيقية الوضع وسواء دي بتكون صدف أو ياسمين صبري فعلًا بتحب ستايل جورجينا وبتستلهم منها بعض الـ outfits، خلينا نشوف الصور ونسيب لكم الحكم على سؤال “who wore it better” أو مين كان لايق عليه الـ outfits أكتر!

آخر كلمة: ياسمين ولا جورجينا؟ شاركونا رأيكم في الكومنتات!

تعليقات
Loading...