ويجز بيستعد لحفلة جديدة في التجمع الخامس يوم 23 يونيو

ويجز بيجهز لحفلة جديدة في Zed East بالتجمع الخامس يوم 23 يونيو الجاي، وده بعد انقطاع عن الحفلات دام لمدة 8 شهور بعد آخر حفلة له في نوفمبر اللي فات.

وقال ويجز على صفحته على الانستجرام: “جهز نفسك لأجمد حفلة الصيف ده، مع ويجز في القاهرة الجديدة، يوم 23 يونيو الساعة 5 مساءً ميعاد فتح الحجز، استعدوا”.

التذاكر متاحة دلوقتي على موقع tickets marche، وسعر التذكرة بيبدأ من 500 جنيه للتذكرة فئة Regular ، و750 جنيه للـ Fan Pit، و1000 جنيه لـ Golden Circle.

ومن ناحية تانية قال المتحدث الرسمي لنقابة المهن الموسيقية: “ويجز لازم ياخد الإجراءات والتصاريح اللازمة قبل معاد الحفل عشان يعرف يغني بشكل قانوني ومن غير أي مسائلة قانونية، وإذا اتوافق على التصريح لازم يدفع 200 ألف جنيه مقابل الحصول عليه بالإضافة إلى تجديد التصريح ب 15 ألف جنيه وده في حالة توقيع ويجز على الإقرار والالتزام به”.

جدير بالذكر إن في حفلات مؤخرًا أثارت جدل بسبب التصاريح من نقابة المهن الموسيقية، واتعرضت لانتقادات بسبب التنظيم.

آخر كلمة: ماتفوتوش قراءة: حفلة جديدة لويجز مع كايروكي يوم 28 يوليو الجاي

تعليقات
Loading...