وزير التعليم: امتحانات الثانوية العامة بنظام الكتاب المفتوح وتصحيح الأسئلة إلكتروني

قال الدكتور رضا حجازي وزير التربية والتعليم والتعليم الفني، إن امتحانات الثانوية العامة للعام الدراسي 2022/2023 هتكون بنظام “الكتاب المفتوح”، وهيُستخدم كتيب المفاهيم زيّ السنة اللي فاتت.

وأعلن حجازي، عن عدد أسئلة امتحانات الثانوية العامة السنة دي، في كل مادة امتحانية؛ سواء للمواد العلمية أو الأدبية ومواد اللغات، بالإضافة لطريقة توزيع درجات الامتحان بين الأسئلة المقالية والاختيار من متعدد.

أما بخصوص الدرجات في المواد، فأكد إنها هتكون نفسها زيّ السنة اللي فاتت مع اختلاف بسيط في عملية توزيع الدرجات، وأكد حجازي إن التعريب مستمر السنة دي وهيكون في ورقة “بابل شيت” ومعاها ورقة تانية للإجابة على الأسئلة المقالية.

أضاف حجازي، خلال المؤتمر الصحفي اللي اتذاع يوم الاتنين،  عرض على قناة “إكسترا لايف“، للإعلان عن تفاصيل امتحانات الثانوية العامة للعام الدراسي 2022/ 2023، إن الأسئلة هتكون 85% اختيار من متعدد، واللي تصحيحها هيكون إلكتروني بالكامل، أما الأسئلة المقالية هتكون بنسبة 15%، وهيكون في معلم مسئول عن عملية تصحيح الأسئلة المقالية، وهتكون الدرجة موزعة على الإجابات.

وقال حجازي عن عملية تصحيح أسئلة الامتحانات: “هيتم تصحيحها عن طريق ماسح ضوئي، وبمساعدة اتنين من المعلمين المتخصصين، وفي حالة وجود فرق كبير بين التصحيح الأول والتاني، هيكون الفيصل مصحح تالت يحط الدرجة النهائية للتقييم”.

وتابع، إن عدد الأسئلة في امتحان الثانوية العامة السنة دي هيكون زي السنة اللي فاتت، وعدد الأسئلة اللي بدرجة هتكون أكبر، ووضح حجازي إنه هيتم الإعلان عن نماذج امتحانات الثانوية العامة بعد أجازة نص السنة، لتدريب الطلاب على نظام الامتحانات، وأكد إن الطالب هياخد الدرجة الكاملة فى كل خطوة صحيحة يجاوب فيها على السؤال.

وضح الدكتور شادي زلطة، المتحدث باسم وزارة التربية والتعليم والتعليم الفني، إن السنة دي بتشهد إتاحة حقيبة تدريبية، بدأت بـ 5 آلاف معلم على المفردات الاختبارية، وقال إن الـ 5 آلاف معلم اللي هيخلصوا التدريب، هيدربوا المعلمين التانيين؛ لحد ما يتعلم أكبر قدر من المعلمين المفردات الاختبارية.

آخر كلمة: ماتفوتوش قراءة: مصافحة الرئيس المصري والتركي على هامش المونديال وعودة العلاقات بين البلدين

تعليقات
Loading...