وحشك تمرين كل يوم؟ شوف دليل عمرو رضا لجيم مثالي في البيت
في اسباب كتيرة أوي تخلي تمرين الجيم بتاع كل يوم يوحشك سواء العزل في البيت أو الأحساس بالكسل أو حتى لو كنت بتحاول توفر فلوس. بس ولا واحد من دول يعتبر سبب كافي علشان ميكنش عندك لياقة بدنية، ولحسن حظك تقدر دلوقتي تبقى فورمة وانت في البيت لو استخدمت الوقت اللي عندك بحكمة.
وعلشان نشجعك أكتر اتكلمنا مع عمرو رضا خبير التغذية اللي بقاله في مجال اللياقة البدنية اكتر من 20 سنة. رضا ادالنا شوية نصايح عن إزاي نقدر نعمل جيم خاص بينا في البيت ويكون عندنا روتين يومي للتمارين المنزلية.
لو أنت لسة مُبتدئ ومكنتش بتتمرن الفترة اللي فاتت يبقى دلوقتي فرصتك إنك تبدأ. كل اللي إنت محتاجه هو شوية أدوات بسيطة زي الدامبلز dumbbells وحبال التدريب المطاطية elastic band وحبال القفز skipping rope وكرة الكيتل بيل الحديدية kettlebell. وبالنسبة للناس اللي كانت بتتمرن أصلاً فرضا اقترح إنهم يضيفوا تمارين تي آر إكس TRX لروتينهمم عشان يزودوا تمارين بناء الجسم.
اقترح رضا علينا مجموعة من التمارين اللي شايف إننا نعملها في تلت او أربع مجموعات بحيث ياخد كل تمرين حوالي 45 ثانية في المجموعة الواحدة والتمارين دي هي:
- Bodyweight squats
- Alternate lunges
- Jumping jacks
- Mountain climbers
- High knees
- Butt kicks
- Knee push-ups
إفتكر إنه لو كنت مبتلعبش رياضة فده مش عُذر إنك متعملش كل التمارين اللي فاتت دي، و القعدة في البيت عمرها ما كانت سبب في إنك متبقاش شخص رياضي عايش بشكل صحي.