#النجاح_بيبني_نجاح: بنك أبوظبي الأول مصر بيحتفل بروائع السينما المصرية في أول إعلاناته

كل رمضان، بنتفاجئ بإعلانات أقوى من السنين اللي قبلها، كأن في منافسة غير معلنة بين صناع المحتوى كل سنة بيحاولوا فيها مش بس إنهم يعلنوا عن منتج أو خدمة بشكل مبدع وبرا الصندوق، لا ده في محاولة لتوصيل رسالة مؤثرة بشكل جذاب بتتخطى كل الحدود المادية وبتخاطب روح المتفرج. واحد من الإعلانات اللي شدت انتباهنا السنة دي هو إعلان بنك أبوظبي الأول مصر. الإعلان نزل في أول الأسبوع ده، وبعد نزوله بوقت قياسي بدأت الناس تتكلم عنه على كل مواقع السوشيال ميديا المختلفة بشكل إيجابي وبناء.

كادر ورا كادر، الإعلان بيحتفل بتراث السينما المصرية وعصرها الذهبي. بوسترات أفلام عظيمة زيّ “الحريف” و”الهروب” و”باب الشمس” بتظهر في الإعلان، بتفكرنا بالزمن الجميل ونجاحاته وبتخلق حوار عن الحاجات العظيمة اللي نقدر نبنيها في المستقبل.

الإعلان رحلة مرئية في تاريخ السينما المصرية، بتحتفل بالتراث الثقافي اللي ملوش مثيل ورا كل فيلم من الأفلام اللي تم اختيارها فيه، وفيه تأكيد على شعار البنك وهو “النجاح بيبني نجاح”. فعلًا، مصر ولادة والإعلان بيفكرنا بنجاحات قديمة وبيلفت نظرنا للنجاح اللي نقدر نبنيه على الأساس القديم.

بنك أبوظبي الأول مصر ناوي يبني على الثراء الثقافي المصري ويتحول من مجرد بنك لحافز للنجاح بيستثمر في بنيتنا التحتية الثقافية من سينما ومزيكا لمواهب مصرية ملهاش حد، بيخلينا نشوف الحلو اللي فينا وبيشجعنا ناخد خطوات ناحية النجاح.

بأكتر من 3 ألاف موظف و70 فرع في كل أنحاء المعمورة، بنك أبوظبي الأول مصر هو واحد من أكبر بنوك مصر، وواحد من أكتر البنوك أمان في العالم، وبدخول زيّ ده للسوق المصري بإعلان قويّ مش هدفه الترويج بس، لا في رسالة أسمى وراه، نقدر نستنى من المؤسسة دي بصمة إيجابية في حياة المصريين واقتصاد البلد.

بنك أبوظبي الأول قيمته وصلت لأكتر من 130 مليار جنيه مصري، وخدماته متفصلة على رغبات العميل فبيقدر يوفر حلول وخدمات ومنتجات لكل عملائه في كل محافظات مصر المختلفة.

وبفضل شبكته الدولية اللي بتمتد لأكتر من خمس قارات وإيمان المؤسسة في البُنا على نجاحات الماضي، بنك أبوظبي الأول مصر ناوي يدعم ويقوي الاقتصاد المحلي، وبكده يحقق وعد النمو لموظفيه وعملائه ومستثمريه.

أخر كلمة: إيه رأيكم في إعلان بنك أبوظبي الأول مصر الجديد؟ عرفونا في الكومنتس!