من مروان موسى لبابلو.. رابرز مصر دعموا ضحايا التحرش ووقفوا ضد الجاني

الكام يوم اللي فاتوا، شوفنا تصريحات من بنات كتيرة بتتهم أحمد طارق المعروف بطارق JPEG بالتحرش، هو مصور مشهور، واشتغل مع تقريبًا كل الرابرز المصريين اللي ظاهرين في الراب سين مؤخرًا ومسيطرين عليه. ضحاياه اتهموه بالتحرش بطرق مختلفة، فكان بيبعت لهم في الرسائل الخاصة صور عارية ليه “Nudes” ويطلب منهم إنهم هما كمان يبعتوا له، وهو فعل في منتهى القذارة، وعمرنا ما فهمنا ولا هنفهم اللي بيعملوا الأفعال دي بيجيبوا الجرأة والبجاحة والثقة منين! فهو مصور ناجح ومشهور ولكنه متهم بالتحرش اللفظي والجسدي.

بعد ظهور وانتشار سكرين شوتس كتيرة من بنات كتيرة بتثبت تحرشه بيهم وتعديه عليهم، كان من المهم إن يوصل للمنصات اللي بتدعمه أو الناس اللي بتشتغل معاه علشان الدعم ده يتسحب منه، وبالفعل كذا حد زيّ maza3ef, sync school, the dark room, breadfast أعلنوا سحب دعهمهم له بكل وضوح. ومشاهير كتير كمان ظهروا دعمهم للضحايا زيّ تارا عماد وأسماء جلال وميان السيد وهدى المفتي.

ولكن المفاجأة كانت من الرابرز المصريين اللي كانوا ممكن يتقال عليهم أصدقائه، المفاجأة كانت لما شوفناهم بيدعموا الضحايا وبيسحبوا دعمهم أو أي تعامل بينهم وبين الجاني أحمد طارق. وكان منهم مروان موسى وعفروتو وويجز ومروان بابلو وأبيوسف.

عن: instagram
عن: instagram
عن: instagram

آخر كلمة: عايزين نشوف ناس أكتر بتدعم الضحايا وبتقف ضد المتحرش. وماتفوتوش قراءة: السوشيال ميديا جابت لبنت مصرية حقها: حادثة تحرش جديدة في المطار

تعليقات
Loading...