باسم “نامكس 2020” تم اختراع أول سيارة في العالم تعمل بالهيدروجين الأخضر، مش بتحتاج لا بنزين ولا كهرباء، وبتتشحن في 5 دقايق بس. تعتبر سيارة نامكس النموذج الأولي لعلامة تجارية جديدة للسيارات الفاخرة، وهي سيارة دفع رباعي هيدروجينية أنشأها المغربي فوزي النجاح، مع شركاء أوروبيين ومغاربة، وبالتعاون مع المصمم الإيطالي Pininfarina، اللي اشتغل مع علامات تجارية كبيرة ومشهورة زي فيراري الإيطالية.
قدم فوزي النجاح النموذج الأولي لسيارته الهيدروجين في المقر الرئيسي لدار تصميم الإيطالي Pininfarina، والسيارة دفع رباعي تعمل بالطاقة الهيدروجينية، بمدى إجمالي يوصل لـ 800 كيلو/ متر.
وحسب بيان صحفي، هيتم تسويق السيارة من خلال نسختين مختلفتين، الأولى إصدار بالدفع الخلفي للمبتدئين، بقوة 300 حصان لسرعة قصوى تبلغ 200 كم / ساعة منظم وتتسارع من 0 إلى 100 كم / ساعة في 6.5 ثانية. أما الإصدار GTH للدفع الرباعي بقوة 550 حصان لسرعة قصوى تبلغ 250 كم / ساعة قابلة للتنظيم والتسارع من 0 لـ 100 كم / ساعة في 4.5 ثانية.
فوزي النجاح رحل أعمال فرنسي مغربي عنده 29 سنة، من أبوين مغربيين، وعاش في عالم السيارات من صغره لإن والده اشتغل لأكتر من 35 سنة في شركة (رينو) الفرنسية، وعلشان كده نشأ في بيئة مهتمة بعالم السيارات، واشتغل فوزي في تصنيع السيارات الألمانية (فولكس فاجن)، وده خلّاه عنده خلفية في صناعة السيارات، ولما كبر، حوّل شغفه بالسيارات لاختراع أول سيارة تعمل بالهيدروجين وبتعبر عن التطور التكنولوجي الصديق للبيئة.
حاليا بيتم تصنيع السيارة في الخارج، لكن فوزي النجاح عنده نية إنشاء مصانع إنتاج خاصة بين أوروبا والمغرب.