“Bahariyaite” هو اسم المعدن الجديد اللي اكتشفه الدكتور المصري حسن حلمى من جامعة المنيا، والمعدن ده تم اعتماده من الاتحاد الدولي لعلم المعادن لأول مرة في تاريخ مصر في بداية أغسطس 2020.
معدن Bahariyaite ليه نفس تركيب مادة برمنجنات البوتاسيوم (KMnO4)، واسمه اتاخد من الواحات البحرية في الصحراء الغربية بمصر اللي تم اكتشافه فيها. والواحات دي بتحتوي على مجموعة من أندر وأغرب التضاريس الطبيعية، والتكوينات الجيولوجية الموجودة في مصر والعالم كله.
وبالإضافة للقيمة العلمية للاكتشاف ده، هو كمان بيحتوي على قيمة اقتصادية، وده لأنه بيمثل البديل الطبيعي لمادة برمنجنات البوتاسيوم الكيميائية اللي بتستخدم في أغراض طبية كتيرة زي علاج مرض السيلان، وصناعة مركبات عضوية، ومعالجة مياه الشرب، واستخدامات عسكرية تانية زي إن الجنود بيستخدموه لإشعال النار بسرعة.
ولأن برمنجنات البوتاسيوم بيتم تصنيعها من بقايا لمواد كيميائية، فهي ليها أضرار صحية وبيئية كتيرة خصوصًا لما يكون تركيزها عالي زيّ إنها ممكن تؤدي إلى تهيج الجلد والحروق، وبتزيد من القابلية للاشتعال للمواد القابلة للاحتراق، وبالتالي الدراسات الجيولوجية اللي هتتبع الاكتشاف ده هتؤدي لدراسة الاحتياطيات، وكيفية تحقيق أقصى استفادة منه.