“مش عيب” حملة للتوعية بأهمية الكشف المبكر عن سرطان الثدي لستات غزة

في شهر التوعية بمرض سرطان الثدي عالميًا، اللي لازم نسبة الوعي بأهمية الكشف المبكر عن المرض ده تزيد والناس كلها تكون عارفة إن الكشف المبكر بينقذ حالات كتير قبل ما المرض يكون أقوى وبيسهل رحلة العلاج بشكل كبير، ستات غزة كان ليهم نصيب من عملية، العالم كله بيسعى ليها، من خلال حملة تم إطلاقها تحت شعار “مش عيب” علشان تشجع الستات على الفحص والكشف عن مرض سرطان الثدي بصورة مستمرة، وبأشكال مختلفة تشجع الستات والبنات تهتم بالفحص.

الحملة تم إطلاقها من مؤسسة فارس العرب للتنمية الخيرية، بالتعاون مع وزارة الصحة، وكمان بيوجه رجال الدين نداءات للكشف المبكر عن المرض، الحملة بتنطلق في شوارع غزة عن طريق عربة اختبار متنقلة، بتتيح فرصة الفحص لحوالي 150 امرأة يوميًا، كمان من أشكال الحملة، وضع الخبازين لرسائل بتحفز وتشجع الستات على الكشف المبكر، في عبوات الخبز. وخلال الحملة، مؤسسات بتتجه للتوعية بالمرض بخطوة مرئية، زيّ شركة الاتصالات الفلسطينية بالتل أضاءت مقرها باللون الوردي، وهو اللون المستخدم في التوعية بسرطان الثدي.

وعن اسم الحملة أو شعارها، بتقول منسقة الحملة جورجيت حرب إن في شريحة مش قليلة من المجتمع بتتعامل مع الموضوع إنه عيب، وبيتعاملوا مع استئصال الثدي باستهتار، وبيتعاملوا مع الكلمة نفسها “ثدي” إنها كلمة خارجة وكلمة عيب ومش طبيعي نبقى بنقولها في وسط حملات توعية وبنقولها بصوت عالي، علشان كده، حملة “مش عيب” هي رسالة أمان وأمل لكل الستات إنهم يروحوا يفصحوا.

آخر كلمة: ماتفوتوش قراءة: إليسا عملت مبادرة لمساعدة السيدات للكشف المبكر عن سرطان الثدي

تعليقات
Loading...