مع ازدياد أعداد حالات الكورونا، القلق بيزيد معاهم، وعلشان كده شوفنا مجموعة من القرارات اتخذتها اللجنة العليا لإدارة أزمة كورونا ورئاسة الوزراء، عملنالك ملخص ليها علشان مايفوتكش أي حاجة، وعلشان لازم تكون عارفهم علشان تتبعهم وتساعد في الحد من انتشار أزمة كوفيد-19.
.jpg)
قراءة المزيد
- استمرار غلق المحلات والكافيهات والمولات لحد الساعة 9 مساءً وده لنهاية شهر مايو.
- وده باستثناء الحدائق والشواطيء والمنتزهات العامة اللي هيتم إعادة فتحها للمواطنين بشرط الالتزام بكل الاجراءات الاحترازية علشان نتفادى انتشار فيروس كورونا.
- بالنسبة لتواجد العاملين والموظفين في المصالح الحكومية وفي القطاع الإداري للدولة، شدد رئيس الوزراء مصطفى مدبولي على ضرورة تخفيض أعدادهم، وإنه هيتم إرسال مجموعة من الكتابات لجميع الجهات الحكومية علشان القرار ده يتنفذ.
- وجه بالتوسيع في البرنامج القومي للتطعيم باللقاحات للعاملين في كل القطاعات السياحية على مستوى الجمهورية، خاصةً بعد ما انتهوا من تطعيم العاملين في القطاع السياحي الخاص بمحافظة البحر الأحمر ومحافظة جنوب سيناء.
- وجه بضرورة تطبيق كل الاجراءات الاحترازية خلال فترة الامتحانات، على إنه يتم استكمال التعليم الأونلاين بداية من شهر يونيو.
- وخلال الاجتماع أعلن اللواء بهاء الدين رئيس الهيئة للشراء الموحد والإمداد الطبي، إنه تم الاتفاق على توريد 20 مليون جرعة من اللقاح الروسي “سبوتنيك” مع الشركة الموردة.