وسائل كتير ممكن تتعلم منها الطبخ؛ كتاب أبلة نظيرة منجد ومنقذ لأي حد بيحاول يتعلم الطبخ، أو برامج الطبخ اللي بقت منتشرة في كل حتة وكل واحد عنده ذوقه ووصفته وبصمته في الأكل وأنت عليك تختار، أو تسيب كل ده وتروح لأماكن مخصصة لتعليمك تبقى معاك خطوة بخطوة وتعيشك تجربة مختلفة ومهارات جديدة على مراحل.
The Cooking School
موجودين في أكتر من مكان منهم القاهرة الجديدة والساحل الشمالي، تقدر تتواصل معاهم من خلال صفحتهم على الانستجرام أو من خلال موقعهم، ميزة المكان أنه بيقدم لك تجربة مختلفة من تعليم الطبخ وفي كورسات متنوعة على إيد شيفات متخصصين زي محمد صلاح وراندا محمد وأحمد زكي بجانب أهتمامهم بوجود كورسات للأطفال، وكمان قدمت المدرسة حل للشركات اللي كانت بتدور على مطابخ مجهزة تجاريًا لأداء الأنشطة التجارية زي تصوير الفيديو، وأبحاث السوق، ومنتجات اختبار الطعام.
Culinart Academy
بتقدم برنامج معتمد للطهي من المؤسسة العالمية City & Guilds مكانهم في مدينة نصر وتقدر تتواصل معاهم من هنا ، وبيقدموا ورشات متنوعة مش بس تعمل أكل مختلف لأ ازاي تعمل أكل صحي وكل ده على مراحل ومستويات تمهيدية.
Ganache Chocolaterie
موجودين في دجلة المعادي، بيقدموا كورسات لكل الأعمار بس في صناعة الشوكولاتة بالتحديد وبشكل يومي، تقدر تحدد معادك وتروح لهم وممكن تاخد الكورس لوحدك أو عدد معين، ولتفاصيل أكتر اتواصل معاهم على الصفحة من هنا أو من الانستجرام
جمعية الطهاة المصريين
بتضم مجموعة من الطهاه المحترفين في مصر، بتقدم دورات تدريبية للشيفات المحترفين وكمان الهواة، وكل حد مهتم بالطبخ يعني مش شرط تكون شيف محترف أو عضو في الجمعية عشان تشترك في الدورات، وأحيانًا ينظموا رحلات تعليمية لمزارع أو مصانع منتجات غذائية علشان يزود معلوماتك.
Lulu’s Kitchen
تابعة للشيف علياء العسقلاني، اتطور المكان على مدار 10 سنين من تجربة لتقديم دروس طهي لتقديمه لمجموعة من الخدمات وبقت شركة استشارية متكاملة في مجال الطهي، من ورش العمل إلى تجارب الطهي، وإضافة الذوق الإيطالي إلى المطبخ المصري، واختيار المكونات وتقديم خدمات استشارية في مجال الطهي تتراوح بين تدريب موظفي المطبخ، وتطوير القائمة، لتفاصيل أكثر من هنا
آخر كلمة: ماتفوتوش قراءة: محتوى تحديات الأكل ومقاطع الطهي: لماذا نغوص معها لوقت كبير؟