لطفي لبيب من الفنانين والأساتذة الكبار، اللي وجودهم في أي عمل مش بس بيكون إضافة، ولكننا فعلًا مابنبقاش قادرين نتخيل الفيلم أو المسلسل من غير وجودهم. ببساطة، لإن روحه وخفة دمه التلقائية بتخلينا حابين نشوف أي عمل هو بيبقى متواجد فيه، حتى لو حرفيًا هيطلع في مشهد واحد. وجوده بيبقى بمثابة دليل قاطع إن العمل الفني ده أكيد ذات قيمة.. لإنه فيه.
وللأسف في السنوات الأخيرة اتحرمنا من طلته على الشاشة، بسبب أزمات صحية اتعرض لها الفنان لطفي لبيب، واللي صعبت عليه إنه يشتغل في ظل ظروف المرض. وامبارح خلال تكريمه في حفل افتتاح مسرح نهاد صليحة بأكاديمية الفنون، أعلن الفنان لطفي لبيب اعتزاله رسميًا للفن، بسبب حالته الصحية. اللي أكد إنها مش سيئة، ولكن ماتسمحلوش إنه يستمر في التمثيل.
بسبب إصابته بجلطة أثرت على نص جسمه الأيسر، وكمان عدم قدرته على الوقوف واستعانته بكرسي متحرك، قال لطفي لبيب في التكريم “الجمهور واحشني جدًا وأنا بصحة كويسة ولكني ماقدرش أمثل.. دي إرادة ربنا لإني أصبت بجلطة أثرت على جنبي الشمال.. ومش بقدر أقف على رجلي”.
الفنان لطفي لبيب قيمة وقامة كبيرة.. مدرسة اتعلمت منه أجيال، ومشواره الفني الثري قدر يمتعنا بيه على مدار سنوات طويلة. وتقديرًا مننا لمشواره الكبير والكنوز اللي سابهالنا من إيفيهات في أفلام مختلفة، حبينا نسترجع بعض اللقطات الكوميدية اللي شوفناها في بعض أفلامه.
جاءنا البيان التالي
في محطة مصر
مشهد لكريم_عبد_العزيز من فيلم في محطة مصر..
????Posted by همسات من القلب – زمان ياحب on Sunday, September 1, 2019