لدعم التعاون: مجدي يعقوب استقبل زيارة رئيس بنك القاهرة

في زيارة علشان يدعموا التعاون بين مركز القلب بأسوان وبنك القاهرة، البروفسير مجدي يعقوب استقبل الأستاذ طارق فايد رئيس مجلس الإدارة والرئيس التنفيذي لبنك القاهرة، والأستاذة هايدي النحاس رئيس قطاع اتصالات المؤسسة والتنمية المستدامة بالبنك، وده علشان يتابعوا التعاون مع المركز ويتابعوا آخر التطورات اللي حصلت في مركز مجدي يعقوب للقلب في القاهرة، اللي لسه في مرحلة الإنشاء، والبنك كان من الأوائل اللي دعموا المركز، وكل ده من ضمن خطة البنك لمساندة القطاعات الحيوية في الدولة، خصوصًا القطاع الطبي، علشان يتم تقديم خدمة طبية مميزة لكل المواطنين.

ومن ضمن اللي حصل في الزيارة، طارق فايد عبر عن إعجابه بمركز القلب بأسوان وبالأجهزة الطبية الحديثة اللي فيه، واللي موجودة في أحدث المستشفيات العالمية، ده غير الفريق الطبي المميز سواء من الأطباء أو من الممرضين، وقال إن البنك فخور بالشراكة مع واحدة من أكبر المؤسسات الوطنية الرائدة في مجال الرعاية الصحية، اللي بتوفر الخدمات الطبية مجانًا لمرضى القلب والأوعية الدموية.

وجه مجدي يعقوب الشكر لبنك القاهرة لمساهمته في التبرع للمؤسسة المشاركة في سرعة تحقيق حلم إنشاء مركز مجدي يعقوب العالمي للقلب في القاهرة، اللي هيكون أكبر مركز في مصر والشرق الأوسط علشان يقدم الرعاية الصحية لمرضى القلب والأوعية الدموية بالمجان، بعد نجاح المؤسسة في أسوان في إنهم يقدموا الخدمة لكل أهل مصر، المركز في القاهرة هيخدم مواطنين أكتر ويقربلهم. مجدي يعقوب اتكلم كمان عن أهمية الدور المجتمعي للمؤسسات والكيانات الاقتصادية الكبيرة في دعم الأنشطة الخيرية علشان يوفروا الرعاية للفئات المحتاجة.

وضحت هايدي النحاس رئيس قطاع إتصالات المؤسسة والتنمية المستدامة في بنك القاهرة إن الزيارة كان فيها مجموعة من الأحداث المهمة، أولها جولة في أقسام المركز المختلفة، بحضور الدكتور محمد زكريا مدير مركز أسوان للقلب. واللى فيها، تم التعريف بالآليات المتعلقة باستقبال المرضى وعلاجهم وحجم العمليات اللي بتتعمل كل يوم. وعبرت عن إعجابها بالدور الكبير اللى بيبذله مركز مجدي يعقوب باعتباره واحد من أكبر المؤسسات الوطنية الرائدة فى مجال توفير الخدمات الطبية المجانية لمرضى القلب والأوعية الدموية بالمجان.

دينا الجزار، نائب الرئيس للتنمية بمؤسسة مجدي يعقوب لأمراض وأبحاث القلب، شكرت بنك القاهرة على دعم المؤسسة، لأهمية دور البنك في مساندة أنشطة المؤسسة وأهمهم المشاركة في بناء المركز العالمي للقلب الجديد في القاهرة، واللي هينقذ ويعالج قلوب أطفال مصر والمنطقة كلها.

دعم البنك لمركز مجدي يعقوب العالمي للقلب في القاهرة هيكون من خلال رعاية جناح كامل بيضم 31 أوضة للمرضى ومنطقة للتمريض علشان يقدموا الرعاية للمرضى على مدار الساعة، وتم توفير أحدث الأدوات والأجهزة الطبية المتخصصة لده، من شاشات للمتابعة ومعدات العناية بالقلب علشان يوفروا أعلى المعايير الطبية والرعاية للمرضى.

آخر كلمة: ماتفوتوش قراءة: في يوم القلب العالمي: ازاي ممكن يأثر الاكتئاب والحزن على صحة القلب؟

تعليقات
Loading...