اعتمد لبنان اليوم الأربعاء، سعر صرف رسمي جديد يبلغ 15 ألف ليرة للدولار الواحد، بدل السعر الحالي اللي وصل لـ1507 ليرات، بانخفاض يقارب 90% في سعر العملة الوطنية، وفق اللي أفاده مصدر في البنك المركزي.
وخسرت الليرة اللبنانية اللي اتحدد سعرها من 1997 بـ1507 للدولار الواحد، أكتر من 95% من سعرها أمام الدولار في 3 سنين بسبب الأزمة الاقتصادية غير المسبوقة اللي بيشهدها البلد.
وقال مصدر في مصرف لبنان رفض ذكر اسمه لوكالة (فرانس)، إن اعتبارًا من النهارده الدولار هيساوي 15 ألف ليرة لبناني، وإن سعر 1507 ليرات لبنانية مش هيبقى موجود من دلوقتي، ومع ذلك، السعر الرسمي الجديد اللي وصل لـ 15 ألف ليرة للدولار أقل أربع مرات تقريبًا من السعر الحقيقي لليرة في السوق الموازية، وأضاف إن السعر الحقيقي للعملة الأمريكية (الدولار) اللي بيتم تداولها وصلت لحوالي 58 ألف ليرة لبنانية.
وقال محافظ مصرف لبنان رياض سلامة إن البنوك التجارية هتتضرر من التخفيض في قيمة العملة اللبنانية، وهيتم منحها فترة 5 سنوات لإعادة تعويض الخسائر الناجمة عن القرار، وإن تغيير أسعار الصرف الرسمية بيعتبر خطوة لتوحيد أسعار الصرف المتعددة في البلاد، بجانب إنها بتتماشى مع شروط الاتفاق اللي توصل له لبنان مع صندوق النقد الدولي، وهو اتفاق لحزمة إنقاذ بقيمة 3 مليارات دولار.
لبنان من 2019 اتعرضت لانهيار اقتصادي، صنفه البنك الدولي من بين الأسوأ في العالم، خسرت معاه العملة المحلية 95% من قيمتها، وبقى أكتر من 80% من سكانه تحت خط الفقر.