محمد حماقي من الفنانين الكبار اللي بدأوا مشوارهم من السلمة الأولى، علشان يوصل للمكانة الكبيرة اللي بقى فيها دلوقتي. فبدأ بالوقوف في كورال ورا فنانين زيّ مصطفى قمر وغيرهم. وده اللي خلاه يكتسب خبرة كبيرة، ومهد له الطريق إنه يبدأ يقوم بأغاني منفردة. وبعد كده كل ده بقى ماضي، ودلوقتي محمد حماقي بقى له اسم وشهرة ماحدش يقدر ينكرها، وبقى صاحب جوايز كبيرة وكتيرة.
من أول ألبوم خلينا نعيش سنة 2003، وصولًا لألبوم يا فاتني سنة 2021، حماقي قدم كتير من الألبومات والأغاني السينجل، اللي قدر من خلالهم يعبر عن كل الـ spectrum of emotions. في المناسبات السعيدة وفي الأوقات الصعبة وكل حاجة تانية في النص.. دايمًا هتلاقي أغنية لحماقي مناسبة للحالة اللي بتمر بيها وبتعبر عنك.
واحتفالًا بذكرى ميلاده الـ 46 وكمان تقديرًا منه لمشواره الفني وأغانيه اللي بتضيف روح من البهجة، وبتكون قريبة من الناس وتجاربهم الخاصة، حبينا إننا نسترجع بعض من أغانيه المفضلة عند الناس، المشهورة، واللي حققت نجاحات من نوع خاص وعلقت مع الناس.. مهما عدى عليها الوقت، لسه بنحب نسمعها!