النهارده يوم 10 مارس وهو عيد ميلاد الفنانة الكبيرة الجميلة يسرا، وحبينا نحتفل بيها بالاعتراف إنها قدرت تكون ملكة نفسها وتاخد زمنها وزمن اللي بعديها كمان، يسرا الكل بيشهد بقوة موهبتها وأدائها واستعراضها في كل حاجة، سواء في التمثيل بكل أنواعه، فهي تقريبًا مثلت كل دور موجود من الطيب للشرير ومن الكوميدي للأكشن للدرامي.
الفنانة يسرا كمان قدرت تثبت نفسها في الغنا، رغم إن صوتها ممكن مايكونش الصوت اللي متعودين عليه في مجال الغنا، ولكن رقة صوتها وطريقة غناها، وإحساسها خلونا نحب نسمعها ونقول عليها إنها مغنية، فهي واحدة من أعظم الفنانين اللي عدوا على المجال الفني في مصر بكل أنواعه، ده طبعًا بدون ذكر جمالها اللي سحرتنا بيه كلنا على مدار السنين.
فبالمناسبة السعيدة دي تعالوا نتفرج على لحظات من أدوارها في السينما والتليفزيون ومن أغانيها.
قراءة المزيد