فيلم بنات رزق: بطولة نسائية بتجمع بين غادة عادل وشيرين رضا ومي عمر

كتير من الأعمال الفنية سواء المسلسلات أو الأفلام اللي بيكون فيها مبدأ البطولة الجماعية، بتحقق نجاح كبير وبيكون فيها balance و chemistry معينة بين الأبطال، بيزود من النجاح الجماهيري. وده اللي بيشجع صناع الأفلام إنهم يقدموا أعمال أكتر من النوع ده، وأخر عمل سمعنا عنه مؤخرًا هو فيلم “بنات رزق”.

الفيلم مالوش علاقة بسلسلة أفلام ولاد رزق، زيّ ما أكد مرقس عادل المخرج. العمل هيكون بطولة نسائية بين 4 أربع فنانات. وإلى الآن البطلات هما شيرين رضا ومي عمر وغادة عادل اللي انضمت مؤخرًا لطاقم العمل. أما الشخصية الرابعة لسه لحد دلوقتي ما تمش الاستقرار عليها بعد اعتذار ياسمين رئيس عن الدور، لانشغلها بأعمال تانية.. ولسه عملية الـ casting لأكتر من نجمة بتتم، لاختيار البطلة الأخيرة للفيلم.

فيلم بنات رزق فكرة د. إسحق إبراهيم، وسيناريو وحوار كريم شيرين، وإخراج مرقس عادل وإنتاج الريماس للإنتاج الفني. ومن المقرر بدأ تصوير الفيلم الشهر اللي جاي. أما عن أحداث الفيلم، فهتدور فى إطار أكشن كوميدى لايت، حولين أربعة بتربطهم قرابة ولكن بيقيموا في أربع دول مختلفة. وخلال الأحداث بنشوف التصاعد اللي بيجمع بين الأربعة من تاني علشان يقوموا بعملية سطو.

نظرًا لقصة الفيلم، هيتم تصوير العمل في أكتر من دولة أوروبية وعربية منهم فرنسا وجورجيا والإمارات العربية المتحدة. وعلشان كده من المتوقع إننا نشوف ميزانية إنتاجية ضخمة هتنعكس على جودة العمل اللي هيتم تقديمه قريبًا.

آخر كلمة: ماتفوتوش قراءة: “سلام مربع: مسرحية جديدة لمحمد هنيدي تُعرض قريبًا في موسم الرياض” …

تعليقات
Loading...