في مرحلة الطفولة والمدرسة كنا بنتفنن في خلق أعذار علشان مانروحش المدرسة، برغم أننا كنا بناخد أجازات بالشهور في المدرسة والحضور والغياب ماكنش بفلوس ولا حاجة، لكن دلوقتي لما بقينا مع حياة الشغل والشغيلة والغياب بقى بخصم ومعاك عدد محدود من الأجازات اللي بتخلص من عندك قبل ما تبدأ تاخد فيها، اتخلق كتالوج جديد نوفي بالأعذار اللي ممكن نقولها أو نفسنا نقولها ومش عارفين.
كتالوج لأعذار الغياب في حياة الموظفين
- فاقد الشغف مش عايز أجي: إيه المشكلة لما تبقى سبب من الأسباب أننا مش عايزين نيجي الشغل إننا فاقدين الشغف؟ ما احنا كل يوم بنبقى فاقدينه وبنيجي عادي؟ هيحصل حاجة لو دخلت على مديري وقولتله مش جاي علشان فاقد الشغف؟
- مش قادر أواجه العالم: كل يوم بنصحى الصبح ومجبورين نواجه العالم إيه المشكلة لما مانواجهش ولو يوم واحد؟
- ماما قالت الجو وحش ماتنزلش النهارده: التقلبات الجوية لها عامل أساسي برضه في غياب الموظفين وساعات البلد كلها بتاخد أجازة لكن لما ماما هي اللي تقترح الأجازة إيه المشكلة؟
قراءة المزيد
أبوعلي.. هو أنا عاد فيه حيل علشان اقف😂😂
هو أنا عاد فيه حيل علشان اقف😂😂
Posted by Rotana Comedy on Thursday, June 24, 2021
- مش لاقي حاجة أركبها: ساعات كتير بسبب زحمة المرور فعلًا بيطلع عنينا وبتفضل مستني حاجة لحد ما تفرهد ونفسيتك بتتقفل من الشغل، فازاي هنروح واحنا نفسنا مسدودة؟. نتقفل كده والشغل يبوظ مننا.
- نسيت الطريق: لو شخص لسه جاي جديد على الشركة ومحتاج أجازة ولسه مش حافظ الطريق، إيه المشكلة لما انسى الطريق؟
- أبويا الله يرحمه مات: دي مش من الأعذار اللي نفسنا نقولها بس من الأعذار اللي بتحصل عادي وحكى لنا حد قبل كده، ماحدش كان يعرف عنه أي معلومات شخصية، وبالتالي ممكن يحيي ناس ويموت ناس تلات أربع مرات.
- وفي أعذار تانية قديمة بس كانت لها شنة ورنة وكيوت زي “خالتي بتغسل” ” هنعمل ممبار”
- التكييف مش شغال عندكوا: ممكن دي تبقى حيلة إننا نبدأ بقى نطلع عيوب في الشغل نفسه، مافيش تكييف وماعندكوش انترنت.
آخر كلمة: ماتفوتوش قراءة: التحدي الأكبر في دخول المدارس: كيف بدأ زمن الـ”سابلايز؟” في المنظومة…