بعد الحلقة العاشرة من مسلسل الهرشة السابعة، وطلاق آدم ونادين، بدأت الناس تسأل إيه اللي حصل في علاقتهم وصلهم للطلاق.
الناس شايفة إن مشهد المواجهة ما بينهم بيتناول الجواز من وجهة نظر واقعية، وده اللي بيميز المسلسل اللي بيحاول يناقش العلاقات زيّ ما هي في حياتنا، من غير تجميل أو مبالغة درامية.
في المواجهة قالت نادين إن آدم اتجوز وخلف وعمل نجاح في شغله، في حين إنها ماعملتش حاجة لنفسها ومسيرتها المهنية وقفت.
بتقول آلاء حمدان، مدوّنة وصانعة أفلام: “رغم عظم دور الأم، ولكن هذا الحوار حقيقي يخرج للسطح عند الخلاف والطلاق”.
من حق الزوجة يكون عندها مسيرة مهنية مستقلة، ومن حق جوزها إنه يدور على زوجة تحقق له الاستقرار الأسري اللي بيدور عليه.
لما الخناق يسيطر على حياتنا، ونلاقي نفسنا مش عارفين نتكلم مع بعض، وفقدنا لغة التواصل والحوار، ساعتها الخلافات ما بينا ممكن توصل لنقطة مانقدرش نحلها.
عدم قدرتنا على التواصل وحل الخلافات ممكن يكون معناه إن الطلاق هو الحل، ولكن المهم إن الطلاق بيكون بالمعروف وباحترام.