دوز هي مدينة ساحرة تونسية موجودة في الجنوب، وبيقولوا عليها “باب الصحراء”، وهي مدينة مناخها صحراوي فهو حار وجاف، وفيها واحة ممتدة، ونخل، ومنابع مياه طبيعية.. وتعتبر واحدة من أشهر الوجهات السياحية الصحراوية، فبيزورها سياح من الخارج ومن الداخل، والسياح دول بيكونوا من محبين الصحراء والطقس الحار، وجزء كبير من اقتصادها بيبقى من حصاد التمور اللي بتتحصد من بساتين أشجار النخيل.
نقدر هناك نعمل أنشطة كتيرة جدًا زيّ سباق الخيل، وركوب الجمال، ونأكل الأكل التقليدي، و”دوز” مسمينها “عاصمة الدراجات النارية”، علشان الدراجة النارية مهمة جدًا علشان تتنقل جوا المدينة نفسها كل يوم، وكمان مشهورة بالصيد في الصحراء زيّ صيد الأرانب والغزلان، وكمان نقدر هناك نتفرج على عروض الفرق الفلكلورية والفروسية، وفي كمان ملتقى شعر عربي لهواة الشعر، وفي جولات في عمق الصحراء والمرشدين بيحكوا قصص عن العادات والتقاليد الأفريقية والبربرية.
وتعتبر صحراء “دوز” كنز من كنوز السياحة في تونس، وسكانها من قبيلة المزاريق وهما متمسكين جدًا بالتراث البدوي، وكمان بتقدم القبيلة سوق مليان بالحرف اليدوية، وبيتميزوا بإنهم بيرحبوا جدًا بالضيوف وبيحسنوا استضافتهم، وكمان بتستضيف في نهاية السنة مهرجان الثقافة أو المهرجان الدولي للصحراء وبيستمر لأربع أيام، وبيقدم فنون وتقاليد شمال أفريقيا.
