تعبتوا من مشوار البنك والتجارب المصرفية اللي بتاخد وقت ومجهود طويل علشان تتم؟ دلوقتي بقى في بديل للمشكلة اللي بيعاني منها كتير من الناس اللي بيضيع كتير من وقتهم ومجهودهم في المشاوير البنكية، لإن تم إطلاق تطبيق مصرفي رقمي جديد باسم “تيلدا”، واللي هيسهل عمليات التحويل البنكية وهيعمل طفرة تكنولوجية في مجال الخدمات المصرفية في مصر.
أعلنت شركة تيلدا (أول تطبيق مصرفي رقمي في مصر)، إنهم جمعوا 5 مليون دولار في جولة تمويل أولى -ما قبل التأسيس- بقيادة سيكويا كابيتال وبمشاركة لوبال فاوندرز كابيتال، وClass 5 Global، وده بيمثل أول استثمار لشركة سيكويا في شمال افريقيا ودول الخليج وكمان أول استثمار لشركتى Global Founders Capital و Class 5 Global في مصر. بالإضافة لاستثمار الشركات الأجنبية الكبيرة في الشركة المصرية، فكمان أعلنت شركة تيلدا إنها أصبحت أول شركة تحصل على ترخيص من البنك المركزي المصري بموجب لوائح وكلاء البنوك الجديدة ، واللي هتمكنها من إصدار البطاقات والعملاء اللي بيستخدموها على التطبيق الرقمي.
وضح الشريك المؤسس والرئيس التنفيذي لشركة تيلدا أحمد صباح، إنهم بيشيروا لتيلدا “Telda” باسم The Money App أو “تطبيق الفلوس” لإنه أول تطبيق رقمي/تجربة مصرفية في مصر، اللي بيتيح الفرصة لعملائه إنشاء حساب مجاني في وقت قصير، والحصول على بطاقة تيلدا مجانًا لاستخدامها عبر الإنترنت وفي المحلات وكمان للسحب النقدي من أي جهاز صراف آلي في جميع أنحاء العالم، ودفع الفواتير كلها مباشرة من الموبايلات. وكمان هيقدر عملاء تيلدا إنهم يبعتوا ويستلموا فلوس على الفور ومجانًا من الأصدقاء والعائلة وأي شخص عنده هاتف، بنفس سهولة وسرعة إرسال رسالة على تطبيق الواتس آب.
تطبيق تيلدا ببساطة هو التطبيق الأفضل لإرسال الأموال وإنفاقها وتوفيرها وكمان البديل الأمثل للنظام المصرفي التقليدي اللي كتير من الناس كانت بتسعى إنها تلاقي بديل ليه. هيتم إطلاق Telda في الأسابيع القليلة القادمة بشكل رسمي، وحاليًا التطبيق موجود على Appstore و Playstore وهيقدر العملاء إنهم ينزلوا التطبيق وينضموا لقائمة الانتظار علشان يكونوا من أوائل الناس اللي تحصل على بطاقة Telda المجانية.
أحمد صباح ويوسف شلقمي مؤسسي الشركة عندهم خبرة طويلة، فصباح كان شريك مؤسس ومدير تقني سابق لشركة Swvl، ويوسف شلقمي أحد كبار المسؤولين السابقين ومهندس في فريق البنية التحتية في أوبر. وبيتمتع فريق تيلدا الأساسي بسجل قوي في بناء السوق والمنتجات الاستهلاكية على مستوى عالمي – مع خبرة من فيسبوك و ميكروسوفت و Mckinsey و نون. فماتقلقوش من استخدام تطبيق وبطاقة تيلدا لإنكم في إيد أمينة!