قصة من القصص اللي مش بنسمع عنها كتير، ولو سمعنا بتبقى غالبًا في الأفلام، شاب مفقود من محافظة المنوفية رجع لأهله بعد غياب 17 سنة، بعد ما بقى عنده 28 سنة وأهله فقدوا الأمل في إنهم يلاقوه.
طول السنين اللي فاتت وأهله بيدوروا عليه، لحد ما نشروا صورة له على (فيسبوك)، وتواصل والده مع واحدة من صفحات البحث عن الأطفال المفقودين، وقعد فترة كبيرة مافيش أي نتيجة، لحد من أيام قليلة كلموه وقالوا له إن ابنه هيبقى عنده قبل رمضان، وأكدوا إنه موجود في محافظة القاهرة.
تاه طفلًا ورجع شابًا.. العائد إلى أسرته بعد 17 عامًا من الغياب يتحدث للعربية مصر
تاه طفلًا ورجع شابًا.. العائد إلى أسرته بعد 17 عامًا من الغياب يتحدث لـ #العربية_مصر.
Posted by العربية مصر – Al Arabiya Egypt on Sunday, March 12, 2023
والد الشاب ناصر المفقود وصف لحظة لقائه به وقال: “ماكنتش مصدق بعد 17 سنة أشوفه تاني.. فرحتي ما تتوصفش.. دموعي نزلت مني أول ما شفته وقلبي قال لي إنه ابني”.
وضح ناصر، الشاب العائد لأسرته، إنه تغيب عن البيت وهو عنده 10 سنين لما كان بيشتغل نجار في واحدة من الورش، واستقل القطار للقاهرة ومن ساعتها ماعرفش يرجع تاني، وأسرة من الأسر تولت رعايته لحد ما بقى شاب وإنه ماكانش متخيل إنه يقابل عيلته تاني.