بعد حوالي 7 شهور من ظهور فيروس الكورونا المستجد في مقاطعة ووهان بالصين، وصل عدد المصابين لأكتر من 11 مليون شخص، أما الوفيات فتخطت الـ 500 ألف نسمة، وانتشر في أكتر من 200 دولة، وللأسف بسبب شدة الفيروس، معظم الضحايا كانوا من كبار السن وأصحاب الأمراض المناعية.
عدد الحالات في العراق وصل لـ 64 ألف حالة والوفيات وصلت فيها لأكتر من 2600 حالة الشئ اللي أثار خوف عراقيين كتير خصوصًا في ظروف عدم الاستقرار السياسي اللي البلد بتمر بيها.
فيديو انتشر مؤخرًا على السوشيال ميديا لممرض عراقي بيغني لمسنة مصابة بفيروس الكورونا المستجد في محاولة لطمأنتها حرك مشاعر ناس كتير وأدى لانتشاره على منصات مختلفة.
الفيديو مؤثر لإن للأسف بسبب الخوف من العدوى الزيارات بتكون ممنوعة على المرضى المعزولين، وفي أوقات كتيرة بيكونوا محتاجين حد معاهم يطمنهم خصوصًا المسنين.
الممرض ده قرر يدي المريضة كبيرة السن الوحيدة جرعة أمل ويحرك قلوبنا كلنا بصوته الجميل.
أخر كلمة: صوت جميل وجرعة أمل كنا كلنا محتاجينها..