تامر حسني وأحمد سعد هيشاركوا في احتفالية زفاف الأمير حسين بن عبد الله الثاني، ولي العهد الأردني، على الآنسة رجوة خالد آل سيف يوم 29 مايو الجاي واللي هيقام في ستاد عمان الدولي بمدينة الحسين الرياضية تحت شعار “شاركونا نفرح حسين”.
الحفلة هتكون مجانية بالكامل دون وجود أي رسوم أو مصاريف زيادة، وهتبدأ الساعة 8 مساء، مع الالتزام بالذهاب قبلها بـ 3 ساعات على الأقل منعًا لحدوث أي زحام.
كمان هيشارك الفنان راغب علامة وديانا كرازون وزين عوض، وهيقدموا مجموعة من أغانيهم المفضلة للجماهير تتناسب مع جو الحفلة المليء بالفرح والبهجة والطاقة الإيجابية، وقالت ديانا كرازون: ” فخورة بمشاركتي في هذا الحدث الأكبر لنحتفل كلنا بعريس الوطن ونغني أغاني الفرح”.
لو عايز تحضر، كل اللي هتعمله هتسجل على البريد الإلكتروني الخاص بالحفل، والالتزام بوضع كل المعلومات صحيحة مع سرعة التسجيل بسبب الإقبال الكبير عليها من الشعب الأردني.
كمان الجهات المعنية هتوفر باصات وأتوبيسات نقل مجانية بالكامل من مناطق مختلفة في عمان (مجمع الجنوب، الجاردنز، عبدون، وحدائق الحسين) بمواعيد ثابتة من الساعة 5 لحد الساعة 6.30 مساء، وهترجع الجماهير لنفس الأماكن مرة تانية بعد انتهاء الاحتفال.
