مهم دلوقتي أكتر من أي وقت، إننا ننشر الوعى تجاه القضايا والأمراض النفسية اللي بتصيب كتير مننا ولكن بنخاف نتكلم في النوع ده من المشاكل بحكم إنها بتتشاف “محظورة” ببساطة لأن المرض النفسي لسه حواليه مفاهيم خاطئة وللأسف كتير بيصنفوا الشخص اللي بيعاني من أي مرض نفسي بإنه “مجنون”.
إنضمت رائدة التواصل الاجتماعي روان بن حسين إلى عيادة الصحة النفسية “Whisper of Serenity Clinic” وقررت تنشر الوعى وتسلط الضوء على الآثار السلبية والنفسية اللي بتحصل للأشخاص اللي بتتعرض لأي نوع من أنواع التنمر أو العنف بهدف كسر الوصمة السلبية اللي بتحطط تلقائيًا علي أي حد يفكر يتكلم أو يعترف إن عنده مشكلة من النوع ده.
وخلال المقابلة الافتراضية اللي عُقدت على الإنترنت واللي اتجمعت فيه روان ومجموعة من الاطباء النفسيين اتكلموا فيها عن إزاي الصحة النفسية لا تقل أهمية عن الصحة الجسدية واتناقشوا في قد إيه اللافتات البسيطة والحاجات الصغيرة زي ابتسامك في وجه الغير بتعمل فرق كبير.
وكانت روان من المشاهير اللي تعرضوا لكتير من الانتقادات وحوادث تنمر وعلشان كده كانت مهتمة تنشر الوعي وتثقف الكل عن الموضوع وقدإيه كل شخص حوالينا ممكن يعمل تأثير ضخم ويساعد أي حد إنه يعدي الأزمة النفسية اللي بيمر بيها بعد التعرض لأي نوع من الاعتداء عن طريق ممارسة أعمال بسيطة ومتفهمة معاهم. فحثوا الناس على ممارسة فعل الخير ولو بشكل بسيط كل يوم لحد ما تبقى عادة عندهم.
“الابتسامة وحدها عمل طيب يغرس السعادة في نفوسنا خاصةً أننا لا نعرف ما الذي يجول بداخل الآخرين من مشاعر ومدى أهمية هذه البسمة البسيطة التي تترك بصمة جيدة وخير انطباع عنا، وهي ليست مجرد أفعال وحسب، إنها قيمة حقيقية تعبّر عن شخصيتنا، وهذا ما أدعو له متابعيني دوماً بأن يتحلوا بالطيبة والابتسامة، وأن يتحللوا من العقد المحيطة بهم” قالت روان خلال الاجتماع.