رايح المغرب؟ دي أماكن لازم تعدي عليها وأنت هناك

السياحة في المغرب لها سحرها وطبعها الخاص من مبانيها وشوارعها وأسواقها وبيوتها، ده غير مناظرها الطبيعية، فيها أكتر من نشاط تقدر تعمله، وكل مدينة فيها اللي بيميزها عن غيرها من المدن اللي حواليها، فلو فكرت تسافر هناك دي مجموعة من الأماكن اللي لازم تعدي عليها وأنت هناك.

شفشاون

عن: كيف

بيسموها “جوهرة الشمال” بتقع على جبال الريف، وبتعبتر من أكتر المدن الاستثنائية في البلد عن باقي المدن ومن أكتر الأماكن اللي تم تصويرها في البلد، لإنك هتلاقي كل البيوت اللي هناك بلونين بس وهما الأبيض والأزرق، بشكل بيريح العين والأعصاب لأي حد يزورها أو يتمشى فيها.

فاس

غير إنها بتعتبر من أعرق وأقدم مدن المغرب بس بيسموها العاصمة الروحية للمغرب، لإنها بتجمع عدد كبير من العلماء والحرفيين والأئمة والمزارعين، ده غير إنها مبنية على التراث القديم وأنت بتتمشى فيها هتلاقي ورش للحرفيين التقليديين والأبواب التقليدية اللي على شوارعها وكلها نقوش، ده غير إنها تاني أكبر مدينة، وأكبر مدينة خالية من السيارات في العالم، فلو حابب إنك تستجم بعيدًا عن الدوشة والتلوث، هتبقى هي خيارك الأمثل.

أصيلة

عن: كيف

بتقع في الساحل الشمالي المغربي، بيميزها الهدوء وحسها الفني اللي هتلاقيه موجود على كل حيطان المدينة من رسومات ولوحات فنية من توقيع فنانين عالميين، علشان كده بيعتبروها مكان مفضل لأغلب الرسامين العالميين.

مغارة هرقل

من أكبر مغارات أفريقيا، موقعها المتميز خلاها من أفضل الأماكن السياحية لإنها بتقع بين مياه البحر المتوسط ومياه المحيط الأطلسي. كان بيقضي فيها الملك سلمان أجازته، واتسمت باسم “هرقل” بسبب الأساطير القديمة اللي بتقول إنها كانت مقر هرقل اللي اشتهر بمحاربة قراصنة البحر وقوته الكبيرة.

زيارة الأسواق الشعبية

مدينة مراكش بتشتهر بأسواقها الشعبية، هتلاقي أكشاك بتعرض الحرف اليدوية من كل أنحاء البلد وورش حرفية تصنع الأدوات المعدنية والسلع الخشبية، لدرجة إنه بقى من أشهر الأماكن اللي بتورد لأصحاب البوتيكات من كل أنحاء أوروبا وأمريكا الشمالية.

أخر كلمة:ماتفوتوش قراءة: ياخ مراد: واحد من الكهوف المعروفة وتحفة إيرانية تشبه الألماس..

تعليقات
Loading...