في آخر تصريحات الفنانة المصرية رانيا يوسف، كشفت عن أسباب طلاقها، وأكدت إنها لو اتجوزت مرة تانية من الأفضل بالنسبة لها إن يكون لها غرفة منفصلة في البيت بالحمام الخاص بها.
وقالت رانيا يوسف: “لو بيتنا كبير شوية، وفي مساحة إن كل واحد يبقى عنده أوضة بحمام لوحده، علشان نوحش بعض، بدل ما أصحيك الصبح وأفضل أرزع على الباب”.
وأضافت رانيا يوسف: “أنا مطلقة من 5 سنين وسريري بتاعي، وعايزة مروحة سقف لإن عندي مشكلة مع التكيف صيف شتا، والتكيف كان أحد أسباب طلاقي الأول”.
وتابعت رانيا يوسف : “أول طلاق كان صعب جدا والقرار استغرق 5 سنين وكنت بحبه، وعلشان آخد القرار قصيت شعري”.
وعن عدد زيجاتها، قالت الفنانة رانيا يوسف: “اتجوزت 3 مرات وأول جوازة هي الأنجح بالنسبالي، والباقيين ماكانوش ناجحين” وأكدت إن لسه عندها أمل في الجواز مرة تانية، وإن بناتها بيشجعوها على التجربة.
أما عن علاقتها بطليقها وأبو بناتها المنتج محمد مختار، قالت: “علاقتي بأبو بناتي مش كويسة خالص وكنت أتمنى إننا نفضل صحاب”.
والجدير بالذكر إن الخلاف بين رانيا يوسف ومحمد مختار اشتد من خلال تصريحات إعلامية متبادلة بين الطرفين عن علاقتهم بعد الطلاق ومصروفات بناتهم، وأكد مختار في تصريح تلفزيوني إنهم عملوا بند عند المحامي فريد الديب إنهم مش هيتكلموا عن حياتهم الشخصية.
أما عن جوازاتها التانية، فقالت رانيا يوسف: “زيجتي التانية كان قرار غلط ومع الشخص غير مناسب، وزيجتي التالتة كان تحت ضغط ولادي وولاده”.