العيد مش بس كحك ولبس جديد، ده كمان فرصة تعيش لحظات مجنونة وتكسر الروتين!
لو أنت من محبي المغامرة والإثارة وعايز العيد السنة دي يكون مختلف، يبقى لازم تجرب أماكن تاخدك في تجربة خارجة عن المألوف.
ومن التحديات الجبلية للأنشطة المائية والرياضات الخطيرة، جمعنالك أجمد 10 أماكن في مصر لمحبي المغامرات.. جهّز شنطتك واستعد لتجربة مش هتنساها!
لا تفوّت قراءة: من قلب دبي.. 8 لقطات لا تُنسى من القمة العالمية للحكومات 2025
خدلك صورة في Hall of Selfies
لو بتحب التصوير وعايز صور احترافية، Hall of Selfies هو مكانك المثالي! متحف تصوير ذاتي مستوحى من أشهر القاعات العالمية.
هتلاقي ديكورات وإضاءات مميزة تناسب كل الأذواق، علشان تطلع بأحلى صور مع العيلة والصحاب وتحتفظ بأجمل الذكريات.
- السعر: ٣٠٠ جنيه للفرد، ساعة كاملة من المرح والإبداع.
المواعيد:
- السبت – الأربعاء: ١٠ صباحًا – ١٢ منتصف الليل.
- الخميس – الجمعة: ١٠ صباحًا – ١ صباحًا.
المكان: كايرو فستيفال سيتي مول، القاهرة الجديدة.
اختبر حواسك في Dialogue in The Dark
تجربة مختلفة تمامًا هتخليك تعتمد على حواسك بعيد عن النظر! “اكتشف بحواسك ما لا تدركه عيناك” هو شعار المكان.
هنا هتعيد اكتشاف العالم بحواسك التانية، زي اللمس والشم والتذوق والسمع، وسط غرف مظلمة مصممة مخصوص للتجربة.
عينك مغمضة، ماسك عصا بيضاء، ومرشد كفيف أو ضعيف البصر بيوجهك خلال الرحلة المليانة مفاجآت!
- المكان: مبنى جمعية النور والأمل للمكفوفين، مدينة نصر.
- التجربة: ٣ غرف مظلمة بتحاكي العيش في الشارع، السوق، والقهوة.
- للحجز والتفاصيل: 01062695649 أو زور موقعهم الرسمي!
عالم مليان مغامرات في ماجيك بلانت!
سواء كنت طفل أو كبير، ماجيك بلانت هو المكان المثالي للمرح في العيد! كوكب مليان ألعاب وإثارة مستنيك.
وهتلاقي كل أنواع الألعاب، من الفيديو جيمز لألعاب المهارات، بجانب ألعاب الاسترداد والجوائز والركوب الممتعة.
وجرب جدار التسلق، “سكاي ترايل”، الترامبولين، دوامة الخيل، وسيارات التصادم، مع سباقات افتراضية وأفلام 4D!
- باقات وعروض مميزة للحجز والاشتراك، اعرف التفاصيل من كوكبهم الخاص!
- المتاح في: سيتي سنتر الإسكندرية، ألماظة، مول مصر، وسيتي سنتر المعادي.
- لمعرفة التفاصيل، اضغط هنا!
لا تفوّت قراءة: من قلب دبي.. 8 لقطات لا تُنسى من القمة العالمية للحكومات 2025
اتنين في واحد: مغامرة تسلق وطبخ في Grip n Climb!
لو بتحب المغامرة، جرب تسلق الجبال بالحبال وتحدي الجسور الشبكية في كايرو فستيفال سيتي، تجربة كأنك في فيلم أكشن!
ومتاحة لأي حد طوله أكتر من 120 سم، والأسعار بالساعة، تقدر تعرف التفاصيل عن كل تذكرة من الرقم ده: 01222278670.
ومش بس كده! المكان كمان بيوفر تجربة طبخ ممتعة للأطفال، تخرج طاقتهم وتعلمهم التعاون والمشاركة.
- العنوان: كايرو فستيفال سيتي.
جمد قلبك مع تجربة الهروب من Trapped Egypt!
دائمًا بتشوف مشاهد الهروب والمطاردات في الأفلام؟ دلوقتي هتعيش المغامرة بنفسك مع أصحابك في تجربة مشوّقة!
هتتحبس في غرفة مليانة ألغاز، ولازم تحلها بسرعة وتتحرك بتسلسل علشان تهرب قبل انتهاء الوقت! لو ماخرجتش في الوقت المحدد؟ استعد للمفاجآت اللي مستنياك!
أماكن الفروع:
- التجمع الخامس: 253 التسعين الشمالي، خلف مؤمن وبشار.
- كايرو فيستيفال سيتي: مدخل رقم 8.
- الشيخ زايد: وحدة B220، كورت يارد مول.
للحجز: 01200004434
الأسعار: بتختلف حسب العدد، مثال:
- 4 أشخاص: 380 جنيه للفرد (1520 جنيه للمجموعة).
- 2 شخص فقط: 400 جنيه للفرد.
جاهز للتحدي؟ احجز مكانك دلوقتي!
لا تفوّت قراءة: استمتع برمضان في دبي: 9 تجارب ترفيهية مذهلة لا تفوّتك!
مش هتعرف الرعب جاي منين مع The Horror House!
“اللي بيخاف يروح!” مش مجرد شعار، ده واقع هتعيشه وسط أجواء مليانة رعب وإثارة!
جثث، أشلاء، ودم في كل مكان، مش هتعرف الرعب هييجي لك منين! تجربة تخليك تحس إنك في فيلم رعب حقيقي.
أول بيت رعب في مصر، يعني عارفين كل قواعد اللعبة.. والأهم، إمتى يكسروها!
- السعر: 100 جنيه للفرد.
- التصوير غير مسموح، علشان التجربة تفضل مفاجأة!
- للحجز: 01090664443.
العنوان: ألماظة، مصر الجديدة، أمام مستشفى الطيران، جوه الملاهي، طريق السخنة، جنب بنزينة ماستر عند District 5.
لو قلبك جامد.. ادخل وجرب بنفسك!
شوف مصر من فوق مع Swift Jet
عمرك جربت تتفرج على مصر من السما؟ دلوقتي تقدر تعيش المغامرة وتحلق فوق المعالم التاريخية والمناظر الطبيعية!
هتشوف القاهرة والأهرامات من منظور مختلف، وكمان تقدر تستكشف الغردقة، الجونة، والأقصر من فوق السحاب.
- المقاعد: 3 ركاب أو 2 بالغين + 2 أطفال.
- المدة: 40 دقيقة من التحليق والإثارة.
- الارتفاع: 1000 قدم فوق سطح الأرض!
الحجز قبل 48 ساعة من موعد الرحلة علشان تضمن مكانك.
للتفاصيل والحجز: +201018848866 / +201099004055.
مستعد للطيران؟ احجز دلوقتي وانطلق في مغامرة لا تُنسى!
حرب الألوان مع Artistique!
لو مش بتعرف ترسم، مفيش مشكلة! الفكرة هنا إنك تستمتع بالألوان وتخرج كل طاقتك بطريقتك الخاصة.
أتيليه الرسم – مساحة مفتوحة للإبداع، تلون براحتك بدون أي قواعد!
السعر: 275 جنيه / 30 دقيقة، يشمل:
- لوحة 50×50 سم.
- ترابيزة دوارة أو عادية لسكب الألوان.
- 4 أكواب ألوان + لبس حماية.
حرب الألوان – تجربة مجنونة تخليك تلخبط الألوان على الحيطان وتعيش لحظات من الفوضى الممتعة!
- السعر: 299 جنيه بدلًا من 500 جنيه.
- المتاح: 10 بالونات ألوان من اختيارك + لبس حماية.
العنوان: الشيخ زايد – Walk of Cairo.
للحجز مسبقًا: 01274510000.
جاهز تبهدل الدنيا؟
جربت البينت بول؟ شوفها في C.O.D.E Paintball!
لو مالكش في الرصاص، أكيد ليك في البينت بول! تجربة حماسية تخليك تعيش المعركة وتطلع كل طاقتك.
اللعبة عبارة عن معركة ألوان، كل لاعب بيحاول يقضي على خصومه بإطلاق كرات صبغة ملونة!
مش للكبار بس! اللعبة مناسبة لكل الأعمار من 8 سنين فما فوق، يعني خد أصحابك أو عيلتك واستعدوا للحرب!
- المكان: مدينة الرحاب.
- للحجز: 01092988861 / 01113072722.
جاهز للتحدي؟ اجمع فريقك وابدأ القتال!
الواقع الافتراضي والحقيقة حاجة واحدة مع Planet X!
تجربة خيال علمي لا مثيل لها! هتتنقل بين عوالم مختلفة من خلال 18 غرفة VR، كل واحدة مصممة بديكور يخليك تحس إنك عايش جوه اللعبة.
مرة في جزيرة مهجورة، مرة في عصر الفراعنة، مرة في بلاد العجائب، وكل مرة هتعيش قصة جديدة!
مش محتاج تحل معادلات حسابية زي باقي ألعاب الـ VR، هنا المغامرة سهلة، ممتعة، وحقيقية جدًا!
- المكان: أركان بلازا، الشيخ زايد.
للتفاصيل والأسعار كلمهم على 01006786556، الأسعار بتختلف حسب إذا كنت رايح لوحدك أو مع مجموعة.
- العنوان: أركان بلازا، الشيخ زايد، جنب السينما على طول.
هابي عيد! استعد لمغامرة خيالية لا تُنسى!
