حملة لترميم وتنظيف التماثيل في جميع ميادين مصر

في إطار حرص الدولة على إعادة إحياء التراث القومي المصري، أطلقت وزارة السياحة والآثار حملة قومية هدفها ترميم وتنظيف التماثيل في مختلف ميادين مصر، وده لإظهار الميادين بشكل حضاري يليق بالحضارة المصرية.

الحملة ابتدت من فبراير كمرحلة أولى وبدأت المرحلة التانية امبارح على مستوى كل محافظات الجمهورية، والوزارة أعلنت إن الحملة هتبقى بمعدل مرتين كل سنة أو هتبقى على مرحلتين بس، المرحلة التانية هتستمر لمدة شهر وهتشمل تنظيف وصيانة وترميم لـ80 تمثال منهم: تمثال أم كلثوم ورمسيس بالمنصورة، وطه حسين بالمنيا، وسعد زغلول في بنها، والعبور في بني سويف، ومحمد علي باشا بالمنشية بالإسكندرية، والجندي المجهول في المنوفية وغيرهم من التماثيل في كل محافظات مصر.

عن: youm7

وأعمال الصيانة بتشمل إزالة الكتابات المشوهة والأتربة العالقة باستخدام أسلوب التنظيف الميكانيكي الجاف أو التنظيف الرطب وده على حسب حالة التمثال نفسه.

وكانت من ضمن أبرز الميادين اللي اهتمت الوزارة بتجميلها في الفترة الأخيرة، ميدان التحرير واللي تم تزيينه بمسلة وعدد من الكباش وتم افتتاحه مزامنة مع موكب نقل المومياوات الملكية، وتمثال سيمون بوليفار وسط القاهرة والتماثيل الأسود في كوبري قصر النيل، وتمثال “نوبار باشا” في أوبرا اسكندرية. وكل أعمال الترميم بتتم بإيد مرممي المجلس الأعلى للآثار.

أخر كلمة: ماتفوتوش قراءة: متاحف مطار القاهرة الدولي: أهم الآثار المعروضة وازاي بيخدم السياحة في أقرب مكان للسياح

تعليقات
Loading...