بما إن الكحك والحلويات سمة أساسية من سمات عيد الفطر المُبارك، كتير مننا بيزيد وزنه في الفترة دي مع الاحتفالات وأكل الحلويات بكميات كبيرة ليل نهار. خلينا متفقين إن أي نوع من الحلويات بيساعد على زيادة الوزن وبيؤدي لمشاكل صحية على المدى البعيد، بس إانا ممكن ناكل الحلويات دي بشكل مُعتدل بحيث نقلل أضرارها، ونحاول نستبدل المكونات الضارة بمكونات تانية صحية وفيها عناصر غذائية.
بالنسبة للكحك على سبيل المثال، يُفضل إننا مناكلهوش مباشرةً بعد وجباتنا الرئيسية علشان ما يتسببش في عسر الهضم، وممكن كمان نشرب معاه المشروبات اللي بتساعد على تقليل امتصاص الدهون وحرقها زي الشاي الأخضر والزنجبيل والقرفة، ولازم نحاول نتجنب أكله في أوقات متأخرة بليل، ونقلل من الكميات اللي بناكلها على قد ما نقدر.
في بدايل كتيرة أوي كمان صحية أو قليلة الدهون للكحك وغيره من حلويات العيد، زي الفاكهة المُجففة مثلاً، ودي قائمة بوصفات لمجموعة من الحلويات قليلة السعرات الحرارية والمناسبة لحر الصيف وأجواء العيد.
بان كيك التوت، خبز الموز، براونيز الشوكولاتة، وكوكيز زبدة الفول السوداني
الفيديو ده بيحتوي على أربع وصفات فيها حلويات قليلة السعرات الحرارية، ومكونات الوصفات بتشترك في إنها بتحتوي على دقيق الحبة الكاملة، لبن قليل الدسم، زبادي يوناني، كاكاو غير مُحلى، وممكن كمان تستخدموا دقيق الشوفان أو اللوز.
أيس كريم، والفرابيه مع الكريم شانتيه، والكوكيز
الوصفات دي حلوة جداً ومناسبة بشكل كبير لجو الحر الفظيع اللي بنعيشه اليومين دول. المكونات الرئيسية في كل الحلويات دي هي جوز الهند ولبن اللوز وبار بروتين بأطعمة مُختلفة. من الواضح إن الفيديو ده بيروج للشركة اللي بتصنع بار البروتين اللي معروض بس الوصفات شكلها لذيذة جداً وصحية، وأفكارها مُبتكرة فممكن نستفيد منها.
بارفيه
الفيديو ده بيعرض تلت وصفات بارفيه مختلفة ولذيذة هتبرد عليك حر الصيف. المكونات الرئيسية فيها هي الزبادي اليوناني، والجرانولة اللي بتتكون من الشوفان ومكونات صحية تانية، وأي نوع فاكهة زي الفراولة والموز والتوت، والكاكاو الغير مُحلى.
الكوكيز
الكوكيز من ضمن الحاجات اللي ممكن تستبدل بيها الكحك وتكون معمولة بمكونات صحية تفيد جسمك. المكونات الأساسية اللي مستخدمة في الفيديو هي الشوفان والعسل، وتقدر بكل سهولة تعمل منها كوكيز باللمون واللوز، وزبدة الفول السوداني، أو الموز، وجوز الهند.
أيس كريم الموز والفول السوداني، مصاصة الموز بالشوكولاتة، وميكس الفواكه المجمدة
الوصفات دي فيها سعرات حرارية عالية إلى حد ما بس هي تعتبر بدايل صحية للحلويات اللي بيحبها الأطفال وبياكلوها في العيد. ومن مميزاتها برضه إنها هتكون ساقعة فهتبرد عليهم حر الصيف وهما بيلعبوا، وكمان ممكن يساعدوكم وإنتم بتعملوها بسهولة، وبكده هتمثل نشاط عائلي يقدر كل أفراد الأسرة يستمتعوا بيه.