أعلنت فرقة (HU) للمسرح عن تقديم مسرحية (حلم ليلة عرض)، وبتعتبر من المسرحيات اللي بتجمع ما بين الكوميديا والدراما، بتحكي عن عالم من الأحلام والمخاوف ومواجهة للعقل الباطن واللي بيصوره من شكوك وتخلي عن حلم للزوجين خالد ونانسي، اللي زواجهم على وشك الانتهاء ليلة افتتاح عرض مسرحيتهم، بيحصل خالد على دور في نفس المسرحية اللي بتمثل فيها مراته في الليلة اللي قبل العرض وكل ده بيتجسد قدامهم في الحلم.
هتشوف في المسرحية خليط من المخاوف والبحث عن الذات، ومحاولة لإعادة الشغف والمشاعر اللي مش عارفين يعبروا عنها على أرض الواقع، وهنعيش معاهم لحظات مختلفة وحقيقية داخل كل واحد فيهم.
المسرحية هتتعرض على مسرح الفلكي الساعة 8 مساءً، من يوم 15 لـ 18 فبراير، وتقدر تحجز تذكرتك من (تيكيتس مارشيه).
المسرحية فكرة وإخراج لوك لينر، ممثل ومخرج أمريكي-مصري متخصص في مجال التدريب على التمثيل، وكمان شارك في التمثيل في مسلسل (السهام المارقة) وفيلم (رأس السنة)، وبيقدم ورش للتمثيل لأعمار مختلفة، للمبتدئين واللي سنهم أقل من 20 سنة، وهيشارك في التمثيل لمسرحية (حلم ليلة عرض)؛ أحمد الأنصاري وعلي رمضان وسلوى خطاب ونوران علي وأحمد صالح وعمر مهدي وأحمد الشريف.