جوجنهايم أبوظبي: منصة حيوية للفن في الوطن العربي تنطلق في 2026

متحف بيحتفي بالفن الحديث والمعاصر، ومنصة حيوية للفن في الإمارات والعالم كله، جوجنهايم أبوظبي هيعرض أهم الإنجازات الفنية العالمية في القرن العشرين والقرن الواحد وعشرين، وهيضم أعمال فنية لمختلف الفنانين العالميين ومجموعة متنوعة الوسائط من ستينات القرن الماضي، كمان المتحف هيهتم بالأعمال الفنية من غرب وجنوب آسيا وشمال أفريقيا، لتلبية الطبيعة المترابطة اللي بيتميز بيها الفن العالمي الحديث.

المتحف مكانه هيكون في موقع متميز في جزيرة السعديات، وعلشان كده، هيكون جزء من المنطقة الثقافية في السعديات اللي تعتبر مركز ثقافي عالمي وبتضم مجموعة من المتاحف العالمية والصالات الفنية وقاعات العرض. المتحف كمان هيتميز بإطلالة خلابة على الخليج العربي، بتصميم مميز للمعماري العالمي فرانك جيري اللي فاز بجوائز كتير.

مشروع جوجنهايم أبوظبي تم الإعلان عنه لأول مرة سنة 2006، مع تاريخ انطلاق في 2012، لكن تم تأجيله، ودلوقتي بيتم تقديم جدول زمني واقعي للشركة علشان تنتهي من المشروع بشكل كامل، وصرحوا بإنه المفروض بعد 5 سنين من دلوقتي يكون المشروع جاهز بشكل نهائي، وبمجرد الانتهاء منه، هنكون على ميعاد مع متحف مبهر هيضيف لأفق منطقة السعديات الثقافية اللي بطبيعتها مبهرة.

آخر كلمة: مستنيين نشوف متحف بالأهمية دي في الوطن العربي حلم بيتحقق على أرض الواقع .. كمان ماتفوتوش قراءة: متحف المستقبل: أيقونة عالمية جديدة في قلب دبي

تعليقات
Loading...