بالصور: جنة استوائية على ساحل المملكة، تعالوا نتعرف على جزر فرسان السعودية

من تنوع حيوي ملوش أيّ شبيه في المملكة لثقافة وتراث فريدين من نوعهم، جزر فرسان من كنوز السعودية الخفية، اللي كتير ميعرفوش عنها حاجة، وعشان كدا قررنا ناخدكم في جولة بصرية ونتعرف معاكم على واحد من أجمل الأماكن الطبيعية بجنوب المملكة العربية السعودية.

بشجر المانجروف المتفرع في أنحائها المختلفة وأكتر من 230 نوع مختلفة من الحيوانات زيّ السلاحف والثعابين والأسماك المختلفة والطيور المهاجرة، قيمة جزر فرسان الحيوية لا تقدر بثمن. مش بس كدا، ده كمان المحمية بتنفرد بأكبر قطعان للغزال والظبي الإدمي في السعودية كلها، اللي بييجي سياح وخبراء من كل أنحاء العالم علشان يتفرجوا عليهم.

وبعد اكتشاف البترول، وترك معظم أهل المملكة حياة البادية، مازالت حياة أهل فرسان مرتبطة بالبحر وصيد السمك واللؤلؤ، مازال أهلها متمسكين بإرثهم الحضري، وده يرجع لتاريخ المكان الحافل ومرور الحضارات والثقافات المختلفة اللي سابت علامة فيه وفي أهله، الشئ اللي أضاف لتراثهم وخلى مجتمعهم فريد من نوعه في المملكة كلها.

جزر فرسان السعودية هي واحدة من أجمل الأماكن في المنطقة العربية بأكملها، ودلوقتي مع فتح أبواب السياحة للمملكة، المكان ده فعلاً من أهم الوجهات اللي لازم تزورها على الأقل مرة واحدة في حياتك.

آخر كلمة: متفوتوش قراءة: بتشتغل أونلاين؟ دي مدن هتساعدك تشتغل أحسن وبمزاج رايق.