انتشرت على السوشيال ميديا مشادة جديدة في الوسط الفني بعد ما العسيلي أعلن عن بوستر أغنيته الجديدة “دنيا جديدة” ونزولها قريب، واتهام من أمير عيد بسرقة الأغنية وإنها في الأصل أغنيته هو، وتويتات وميمز على الموضوع من الجمهور نفسه بعد ردود أمير والعسيلي على تويتر، إيه اللي حصل؟
الفنان محمود العسيلي نزل بوستر أغنيته الجديدة بعنوان “دنيا جديدة” وأعلن عن نزولها قريبًا.
واتفاجئنا بتويتة من الفنان أمير عيد، بيثبت بيها إن الأغنية بالاسم ده في الأصل بتاعته، وبيتمنى إن تكون الأغنية اللي أعلن عنها العسيلي أغنية تانية وده مجرد تشابه أسماء.
ورد عليه العسيلي رد زود المشادات وتوقع الجمهور إنها هتكون مشادة قوية.
وختم أمير المناقشة برده الأخير.
لكن الجمهور والناس كلها على السوشيال ميديا اختلفت آرائهم على الموضوع، وانتشرت ميمز كتير على الكلام ده، وتوقع البعض إن كل ده دعاية لأغنية جديدة بتجمع أمير والعسيلي، بشكل جديد ومختلف للدعايا.
وطبعًا مينفعش نعدي أي موضوع من غير هزار ومن غير ما الناس تعمل ميمز.
